ايەلدەر كليماتتىڭ وزگەرۋىنەن كوبىرەك زارداپ شەگەدى - ب ۇ ۇ

سەبەبى ولار عالامشارداعى كليماتتىڭ وزگەرۋىنەن بولاتىن قۇيىن، داۋىل جانە سۋ باسۋ سالدارىنان كوبىرەك زارداپ شەگەدى. بۇل تۋرالى ب ۇ ۇ- نىڭ جەنەۆادا اشىلعان ايەلدەرگە قاتىستى كەمسىتۋشىلىكتى جويۋ بويىنشا كوميتەتتىڭ سەسسياسىندا ايتىلدى.

كوميتەت مۇشەلەرى تابيعي اپاتتار مەن كليماتتىڭ وزگەرۋ سالدارىنان ايەلدەرگە كەلەر زارداپتار ماسەلەسى بويىنشا ارنايى وتىرىس وتكىزۋ جونىندە شەشىم قابىلداعان.

وتىرىستا ءسوز سويلەگەن دۇنيەجۇزىلىك مەتەورولگيالىق ۇيىمنىڭ باس حاتشىسىنىڭ كومەكشىسى ەلەنا ماناەنكوۆا 2004 -جىلى ءۇندى مۇحيتىندا بولعان سۋنامي قۇرباندارىنىڭ كوبى ايەلدەر ەكەنىن، بۇعان ولاردىڭ ءجۇزۋدى بىلمەۋى، ءارى قيمىلداۋعا كەدەرگى كەلتىرەتىن ۇزىن كيىم كيگەنى(...) سەبەپ بولعانىن اتاپ ءوتتى. 1991 -جىلى بانگلادەشتە سۋ تاسقىنى سالدارىنان 140 مىڭ ايەل قازا تاپقان، ولاردىڭ سانى ەر ادامداردان 14 ەسە كوپ ەدى. بۇل ايەلدەردىڭ قاجەتتى اقپاراتقا قول جەتكىزۋ مۇمكىندىگىنىڭ جوقتىعىمەن بايلانىستى.

«دامۋشى ەلدەردەگى ايەلدەردىڭ 60 تان 70 كە دەيىن پايىزى اۋىل شارۋاشىلىعى سالاسىندا ەڭبەك ەتەدى. سونىمەن قاتار، ءۇندىستاندا اۋا رايى تۋرالى ۇيالى تەلەفوندارعا حابارلامالار جىبەرىلگەندە، ونى العانداردىڭ 11 پايىزى عانا ايەلدەر بولعان. قازىر الەمدە 300 ميلليون ايەلدە ۇيالى تەلەفونى جوق ەكەنىن انىقتادىق»، - دەدى ەلەنا ماناەنكوۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى