ايگىلى كولىك شىعارۋشى كومپانيا وندىرىستەگى روبوتتار جۇمىسىن ادامدارعا جۇكتەمەك

ولارعا شاعىن اۆتوماتتاندىرىلعان قۇرىلعىلار كومەكتەسەدى. وسىلايشا كومپانيا ءوندىرىس جۇمىسىن وڭتايلاندىرىپ، اۆتوموبيل جاساۋ ۋاقىتىن قىسقارتپاق. بۇل تۋرالى Bloomberg اگەنتتىگىنە كومپانيا ءوندىرىسىنىڭ باسشىسى ماركۋس شەفەر مالىمدەگەن.

روبوتتار قاراپايىم وپەراتسيالاردى ورىنداعانىمەن اۆتوموبيلدەردىڭ سىرتقى شاناعىن جابدىقتاۋعا قابىلەتسىز. «روبوتتار قازىرگى وندىرىسىمىزدەگى تاپسىرىس بەرۋشىنىڭ وتىنىشىنە وراي ءارتۇرلى جۇمىستى اتقارۋعا شامالارى جەتپەي جاتىر»، - دەدى شەفەر. ويتكەنى شاناقتى ءار جولى تاپسىرىس بەرۋشىنىڭ ىڭعايىنا ساي جاساۋ قول ەڭبەگىن تالاپ ەتەدى.

شەفەردىڭ ايتۋىنشا، كومپانيا ءبىر ماشينانى قۇراستىرۋدى 61 دەن 30 ساعاتقا دەيىن ازايتۋدى كوزدەپ وتىر. الايدا كولىكتىڭ مودەلدەر مەن جاڭعىرتىلعان تۇرلەرى كوبەيۋدە، ول ءۇشىن بارلىق وندىرىستىك جەلىنى قايتا جابدىقتاۋ كەرەك، وعان بىرنەشە كۇن قاجەت. ال، دانەكەرلەۋ روبوتتارىن قايتا باعدارلامالاۋ ءبىر اپتاعا سوزىلادى، وسى كەزدە ءوندىرىس توقتاپ قالادى.

Mercedes Benz الداعى ۋاقىتتا وسى كەمشىلىكتى بولدىرماۋ ءۇشىن شارۋانى ادامدارعا جۇكتەيدى، ال ولارعا شاعىن يكەمدى روبوتتار كومەكتەسپەك. جاڭاشىلدىق E- سىنىپتى سوڭعى مودەلدەردى قۇراستىرۋدا پايدالانىلۋدا. ماشينانىڭ الدىڭعى تەرەزەسىندەگى جىلدامدىق جانە نايۆگاتسيا جونىندەگى اقپاراتتى كورسەتەتىن ديسپلەيدى بۇرىن ەكى روبوت قۇراستىرسا، قازىر ونى جۇمىسشى اتقارادى نەمەسە جەڭىل، يكەمدى روبوتقا جۇكتەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى