ر. وگانەسيان: قازاق جەرى ماعان بارىن بەردى

بۇل -  كاسىپكەر روبەرت وگانەسياننىڭ پىكىرى. كاسىپكەر جاڭا ءومىردىڭ ەسىگىن وسىدان 30 جىل بۇرىن قازاق جەرىندە اشىپتى.

باستاپقىدا ەتىكشى بولىپ جۇمىس ىستەگەن. كەيىن ساۋدا-ساتتىقپەن اينالىسادى. «ارمەنيادان جەر اۋعان كەزدە جات مەكەن تۋعان ۇيىمدەي بولىپ كەتەدى دەپ ويلاعان ەمەسپىن»، - دەيدى ر. وگانەسيان.

ارادا قانشا ۋاقىت وتسە دە، ول ءوز ءومىرىن تەك قازاقستانمەن بايلانىستىرادى. بالالارى، نەمەرەلەرى قازاقستاندا تۇرادى. قازىرگى تاڭدا 66 جاستاعى كاسىپكەر ارمەنياعا تەك بيزنەس ماسەلەسىمەن عانا بارادى.

اتا جۇرتىندا سيرەك بولعانىمەن، روبەرت ەريەۆانان 4 مىڭ شاقىرىم جەردە جاتقان ليساكوۆسكىگە ءاردايىم ىنتىعىپ تۇرادى ەكەن.

روبەرت وگانەسيان، كاسىپكەر:

- مۇندا كەلگەن جۇرت قازاقستاندى ەكىنشى وتانىم دەپ بەكەر ايتپايدى. قازاق ەلى -  مەنىڭ دە ەكىنشى وتانىم. سەبەبى، ءومىرىمنىڭ ەڭ گۇلدەنگەن شاعىن، جاستىق شاعىمدى قازاقستاندا وتكىزدىم. جۇمىس ىستەدىم. جاقسى ناتيجەگە قول جەتكىزدىم. كوڭىلىم توق. حالىق تا، بيلىك تە جاقسى.

روبەرت وگانەسيان -  قوستانايداعى «ەرەبۋني» ارميان قاۋىمىنىڭ مۇشەسى. ونىڭ ايتۋىنشا قازاقستاننىڭ باستى بايلىعى -  130 دان استام ۇلت پەن ۇلىستىڭ بەيبىتشىلىك پەن تاتۋلىقتا، اۋىزبىرشىلىكتە ءومىر ءسۇرۋى. روبەرتا اۆاكوۆيچتىڭ قازاقستاندىق قوعام تۋرالى ءوز تۇسىنىگى قالىپتاسقان.

روبەرت وگانەسيان، كاسىپكەر:

- قازاقستان - پرەزيدەنت باسقارعان ەل. نۇرسۇلتان ءابىش ۇلىنىڭ بارلىق قاۋلىسى تەك حالىق ءۇشىن جاسالادى. ەلباسى قاراپايىم حالىقتىڭ مۇددەسىن قورعاسا، حالىق تا اۋىزبىرشىلىكتە ءومىر سۇرمەيدى مە؟! مەيلى ءبىزدىڭ ۇلتىمىز ءارتۇرلى بولسىن ەڭ باستىسى ەلدە تاتۋلىق بار.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى