استانادا نەگىزگى ازىق-تۇلىكتەر باعاسىنىڭ قۇنىنا قوسىلاتىن باعا ازايادى

ياعني، تاۋار وندىرۋشىلەرگە ءوز ءونىمىن دەلدالدارسىز ساتۋعا مۇمكىندىك بەرىلەدى. بۇل تۋرالى بۇگىن استانا اكىمدىگىندە وتكەن ازىق-تۇلىك بەلدەۋىندەگى اۋىل شارۋاشىلىعى تاۋارلارىن وندىرۋشىلەردىڭ كونفەرەنتسياسىندا اۋىل شارۋاشىلىعى ۆيتسە-ءمينيسترى ەرمەك كوشەربايەۆ ءمالىم ەتتى.

«ازىق-تۇلىك باعاسىنا توقتالار بولساق، شەشىمىن تاپپاعان ءبىرقاتار جۇيەلى ماسەلەلەر بار. مىسالى، تۇتىنۋشى مەن ءوندىرۋشى اراسىنداعى دەلدالداردىڭ ماسەلەسى. مىسالى، وندىرۋشىدەن شىققان ون جۇمىرتقانىڭ باعاسى 180 تەڭگە بولسا، دۇكەندە ول 300 تەڭگەگە ساتىلادى، ياعني، 76 پايىز قىمبات. استانادا 50 شاقىرىم جەرلەردەن اكەلىپ ساتىلاتىن سيىر ەتىنىڭ باعاسى 700 تەڭگە بولسا، بازاردا ول 1200 تەڭگەگە ساتىلادى»، - دەيدى ۆيتسە-مينيستر.

ە. كوشەربايەۆتىڭ ايتۋىنشا، ساۋداگەرلەر اراسىنداعى باسەكەلەستىك جوقتىڭ قاسى، سالىق جۇيەسىندە دە ساۋداگەردى ىنتالاندىراتىن تەتىكتەر از، كوكونىس ساقتايتىن قويمالار دا تاپشى، وتاندىق فەرمەرلەر ءۇشىن مەملەكەتتىك ساتىپ الۋ نارىعىنا جوق. مۇنىڭ بارلىعى ءوندىرۋشىنىڭ باعاسىنا وتە كوپ قوسىمشا باعا قوسۋعا سەبەپ بولىپ وتىر.

«مينيسترلىك بۇل ماسەلەنى قالا اينالاسىنداعى ءوندىرىستى كونتسەنتراتسيالاۋ ارقىلى، قازاقستاننىڭ تاۋار وندىرۋشىلەرى ءۇشىن نارىققا شىعاتىن كەدەرگىلەردى ازايتۋ ارقىلى شەشپەك»، - دەپ تۇيىندەدى ءسوزىن ۆيتسە-مينيستر.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى