شەكارادان قازاقستانعا ەسىرتكىنى اياق كيىمىنە تىعىپ وتپەك بولعان ازامات ۇستالىپ قالدى
ونىڭ اياق كيىمىنە جاسىرىلعان ەسىرتكىنى تاۋىپ الۋعا قىزمەتتىك ءيت كومەكتەسكەن دەپ حابارلايدى وتىرار ارناسى.
قازاقستان- وزبەكستان شەكاراسىندا زاڭسىز تاۋار تاسىمالداماق بولعان ازاماتتىڭ تەرىس پيعىلى جىبەك-جولى كەدەن بەكەتىندە اشكەرە بولىپ وتىر. قىلمىستى اشۋ بارىسىندا شەكاراشىلار مەن مەملەكەتتىك كىرىس دەپارتامەنتىنىڭ ەكونوميكالىق تەرگەۋ قىزمەتكەرلەرى بىرگە جۇمىس ىستەدى.
قولعا تۇسكەن ازاماتتىڭ جاسى - 36 دا. ونىڭ سول جاق اياق كيىمىنىڭ ۇلتانىنان پوليەتيلەن پاكەتكە ورالعان زات تاركىلەنگەن. ساراپتاما قورىتىندىسى بويىنشا ونىڭ سالماعى 6 گرام گاشيش ەكەنى ءمالىم بولدى.
قازىر وزبەكستاننان ەلىمىزگە ەسىرتكى الىپ وتپەك بولعان ازاماتقا قاتىستى قىلمىستى كودەكستىڭ 286-بابى بويىنشا سوتقا دەيىنگى تەرگەۋ امالدارى باستالدى.
