قازاقستاندا مەملەكەتتىك اۋديت جۇيەسى ىسكە قوسىلدى

وتكەن جىلدىڭ سوڭىندا قابىلدانعان «مەملەكەتتىك اۋديت جانە قارجىلىق باقىلاۋ تۋرالى» زاڭعا ساي، اۋديتورلاردىڭ جۇمىسى قاتاڭ قاداعالانادى. ولار اتقارعان جۇمىستىڭ ساپاسى ۇنەمى باقىلاۋدا بولماق.

اۋديتورلار مىندەتتى تۇردە سەرتيفيكاتتاۋدان وتۋگە ءتيىس. بۇل قىزمەتتى تەك تاجىريبەسى مول، ۇلتتىق كوميسسيا سىناعىنان وتكەن ازاماتتار عانا اتقارا الادى. ساپا باقىلاۋى كەزىندە جۇمىسىن ءتيىستى دەڭگەيدە ورىنداماعانى بەلگىلى بولعان اۋديتورلار سايكەسىنشە اكىمشىلىك نەمەسە قىلمىستىق جاۋاپقا تارتىلادى.

دينارا قۇرمانعاليەۆا، ق ر قارجى مينيسترلىگى ساپانى باقىلاۋ جانە ىشكى باقىلاۋ قىزمەتتەرىن ۇيلەستىرۋ باسقارماسىنىڭ باسشىسى:

- اۋديتوردىڭ ءاربىر قادامى تەكسەرىلىپ وتىرادى. ونىڭ كاسىبي بىلىكتىلىگى، ادىلدىگى قاداعالانادى. ولارعا قويىلاتىن تالاپتار كۇشەيدى. جۇمىسقا كىرىسپەي تۇرىپ، بۇل ادامدار ءوزىنىڭ ءبىلىمىن راستاۋى كەرەك. مەملەكەتتىك اۋديتورلار ءوز جۇمىسىن جاڭا زاڭدا كورسەتىلگەن ستاندارتتارعا ساي جۇرگىزۋى ءتيىس. ەگەر ولاردىڭ جۇمىسى وسى ستاندارتتارعا سايكەس كەلسە، باقىلاۋدان وتكەن مەكەمەلەردى قايتا تەكسەرۋدىڭ قاجەتى تۋىندامايدى.

kaz.caravan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى