ليتۆا مۇحتار ءابىلازوۆتىڭ باجاسىنا باسپانا بەردى

بۇل تۋرالى egemen.kz ءتىلشىسى حابارلادى.

ليتۆا پورتالى اتالعان قازاق ازاماتىنىڭ ميللياردەر بولۋى دا مۇمكىن ەكەنىن اتاپ كورسەتەدى.

باسىلىمنىڭ حابارلاۋىنشا، سىرىم شالابايەۆتى وتكەن جىلى جازدا «اراسا» قىزمەتكەرلەرى ۆيلنيۋسكە كەلگەن جەرىندە قولعا تۇسىرگەن بولاتىن.

ەسكە سالا كەتەيىك، شالابايەۆ سوعان دەيىنگى ەكى جىلدان استام ۋاقىت «ينتەرپولدىڭ» ىزدەۋىندە بولعان.

ال قازاقستان ازاماتىنا بوسقىن مارتەبەسىن بەرۋ جونىندەگى شەشىمدى كوشى-قون دەپارتامەنتى قابىلداعان. مۇنداي شەشىمگە ول 9  ايدان استام ۋاقىتقا سوزىلعان تەكسەرۋدەن كەيىن كەلگەن. ونىڭ مۇددەسىن مۇندا ادۆوكات لايموناس يۋديتسكاس قورعاعان. قورعاۋشى باسپانانىڭ قانداي جاعدايدا بەرىلگەنى تۋرالى ايتا المايتىنىن، سەبەبى، بۇل مەملەكەتتىك قۇپيا بولىپ تابىلاتىنىن، ونى تەك وسىنداي اقپارمەن جۇمىس جاساۋعا رۇقساتى بار قىزمەتكەرلەر عانا الا الاتىنىن جەتكىزدى.

ەندى كوشى-قون دەپارتامەنتى قابىلداعان شەشىم جۋىق ۋاقىتتاردا ۆيلنيۋس وكرۋگتىڭ سوتىنا وتكىزىلۋى ءتيىس. ونى قازاق ازاماتىنىڭ ەكستراديتسياسىنا بايلانىستى ماسەلەنى قاراپ جاتقان ليتۆا باس پروكۋراتۋراسى ۇسىناتىن بولادى. ال شالابايەۆتى وزدەرىنە بەرۋدى قازاقستان مەن ۋكراينا سۇراپ وتىر.

يۋديتسكاستىڭ ايتۋىنشا، كوشى-قون دەپارتامەنتى جوعارىداعىداي شەشىم قابىلداماس بۇرىن قازاقستاندا، ۋكراينادا، لاتۆيادا، ۇلى بريتانيا مەن باسقا دا ەلدەردە بار مۇمكىن بولعان اقپارلاردى جيناپ العان.

بۇعان دەيىن شالابايەۆ 6 جىلداي ۋاقىت الەمنىڭ ءارتۇرلى ەلدەرىندە تۇرىپ كەلگەن. ءبىراق سولاردىڭ بىردە-بىرىندە ونى قازاقستان ساياسي سەبەپتەرمەن قۋعىنعا ءتۇسىرىپ كەلەدى، دەگەن ءسوز ايتىلماعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى