قازاق جىگىتى «فەيسبۋك» كومپانياسىندا مارك سۋكەربەرگپەن ءبىر كەڭسەدە جۇمىس ىستەيدى
ق ب ت ۋ- دى بىتىرگەن 24 جاستاعى قازاق جىگىتىنىڭ ايتۋىنشا، ءىرى كورپوراتسيادا ول 2015 -جىلدىڭ 12-قازانىنان باستاپ جۇمىس ىستەپ كەلەدى ەكەن. ونىڭ قىزمەتى Software Engineer at Facebook. ول - باعدارلاما جاساۋشى. قازىرگى ۋاقىتتا ول ا ق ش- تاعى كاليفورنيا شتاتىندا مەنلو- پارك قالاسىنداعى كورپوراتسيانىڭ باس كەڭسەسىندە جۇمىس ىستەيدى.
جەكە ارحيۆتەگى سۋرەتى. مارك تسۋكەربەرگتىڭ جۇمىس ورنىنىڭ قاسىندا.
«مەن مارك تسۋكەربەرگ وتىراتىن كەڭسەدە جۇمىس ىستەيمىن. ول كەڭسەگە سيرەك كەلەدى، قازىر ماسەلەن بەرليندە ءجۇر. ونىمەن كەزدەسىپ قالۋ قيىن، سەبەبى ول قوناقتارمەن جۇرەدى، كەزدەسۋلەرى بولادى. ءبىراق ءار جۇمادا مارك سۋكەربەرگپەن سۇراق- جاۋابىمىز ءوتىپ تۇرادى. بۇل جينالىسقا ۇقسايدى. ول بىزگە قانداي جاڭالىقتاردىڭ بارىن ايتادى، ودان كەيىن سۇراق قويا بەرۋگە بولادى. (.. .) مەن ءبىراق وعان سۇراق قويىپ كورمەپپىن. اعىلشىنىم ونداي دەڭگەيگە جەتكەن جوق»، - دەپ مويىندادى ول.
«قازىرگى ۋاقىتتا ول Facebook جەلىسىنىڭ جاڭالىقتار لەنتاسىمەن جۇمىس ىستەيى. "وسى كوماندانىڭ سەرۆەر بولىگىندە ىستەيمىن. كوماندادا ادام كوپ، ولار تاعى ءبىر ءوز ىشىنەن بولىنەدى. ءبىزدىڭ كوماندادا مەنى قوسقاندا 5 ادام بار. قازىرگى تاڭدا سەرۆەر بولىگىندە جۇمىس ىستەيتىن ينجەنەرلەرگە كومەكتەسەتىن ىشكى پۋلدارمەن جۇمىس ىستەۋدەمىن. بۇعان دەيىن كوممەنتاريلەرمەن اينالىسقانمىن»، - دەپ ءتۇسىندىردى ول ءوز جۇمىسىن.
اسحات ءۇش جىل بويىندا Facebook كورپوراتسياسىنا مىڭ تۇيىندەمە جىبەرىپتى. ق ب ت ۋ- دا باكالاۆردى اياقتاپ، ماگيستراتۋراعا تۇسەدى، كەيىن Chocomart كومپانياسىندا جۇمىس ىستەگەن. ماگيستراتۋرانى اياقتاعاننان كەيىن Facebook-كە تاعى ءبىر رەت ونلاين تۇردە تۇيىندەمە جولداپتى.
"بۇعان دەيىن مەن مىڭ تۇيىندەمە جىبەردىم. مەنى ەشكىم بايقامادى. ءبىراق رەسەيلىك رەكرۋتەرگە جولىقتىم، ول قازاقستان مەن رەسەي وڭىرلەرىنە جاۋاپتى ەدى. ول ماعان اڭگىمەلەسۋدىڭ ءبىرىنشى كەزەڭىنەن ءوتۋدى ۇسىندى. ءبىرىنشى اڭگىمەلەسۋدەن وڭاي ءوتتىم، سوسىن مەنى ا ق ش- قا باس كەڭسەگە شاقىردى. ءبىراق مەن سول جاققا باراتىن كۇنى تاكسيدە كۋالىگىمدى تاستاپ كەتىپپىن. ءسويتىپ، بەتپە- بەت اڭگىمەلەسۋگە بارا الماي قالدىم. سوسىن ولار تاعى حابارلاسىپ، ۆيدەوكونفەرەنسيا وتكىزۋدى ۇسىندى. وسىلايشا مەن بارلىق ءۇش سۇحباتتان ءوتتىم"، - دەدى احمەتجانوۆ.
ول جالپى بەس اڭگىمەلەسۋدەن وتكەنىن ايتتى، سونىمەن قاتار جۇمىس بەرۋشىسى جوعارى وقۋ ورنىنىڭ ەكى پروفەسسور مۇعالىمىنەن مىنەزدەمە الدىرتىپتى. ول ەڭ ءساتتى اڭگىمەلەسۋلەردىڭ ءبىرى جايلى باياندادى.
«بۇل اڭگىمەلەسۋ ۇزاققا سوزىلدى. توپ- تەح. كومپانيالارعا وتەتىندەر وسى سۇحباتتان ءوتۋى ءتيىس. الدىڭا ينتەرنەتى جاقسى كومپيۋتەر قويادى دا، تاپسىرما بەرەدى. سوسىن سەن ونى بارىنشا ءتيىمدى جولمەن شەشۋىڭ كەرەك. (.. .) ولار سەنىڭ ويلارىڭنىڭ رەتىنە قارايدى. قالايشا باعدارلايسىڭ، قاي باعىتتا ويلايسىڭ، تالقىلاۋلارىڭ - بارلىعىن باقىلايدى. سۇحبات بارىسىندا ساعان تولىق سيپاتتاما جاسايدى. بەس سۇحباتتاسۋدان كەيىن پوشتاما جۇمىسقا شاقىراتىنىن ايتىپ، حات جازدى. بۇل حات ارقىلى ماعان كوشۋىم، جول ءجۇرۋىم، ۆيزام، تۇراتىن ءۇيىمنىڭ ءبىر ايعى اقىسى، جالاقىم تولەنەتىن بولدى"، - دەدى قازاق جىگىت.
ول ءبىرىنشى تۇيىندەمەسىنىڭ دۇرىس تولتىرىلماعاندىقتان مۇمكىندىگىنىڭ از بولعانىن ايتىپ بەردى. كەيىن ول ونى باسقاشا جازادى. اسحاتتىڭ ايتۋىنشا، تۇيىندەمەنى ونلاين تۇردە جولداساڭ، جاۋاپ الۋ وتە قيىن. ال ەگەر كومپانيادا تانىستارىڭ بولسا مۇنى وڭاي جاساي الاسىڭ. ولار ۇسىنىسحات جازىپ، كەلەسى كۇنى- اق كورپوراتسيادان قوڭىراۋ ءتۇسۋى مۇمكىن ەكەن.
«جۇمىسقا تۇرۋدىڭ ەكى جولى بار. ونلاين تۇردە تۇيىندەمە جازۋ، سونىمەن قاتار كومپانيا قىزمەتكەرلەرىنەن ۇسىنىسحات جازۋىن ءوتىنۋ. بۇل ەڭ دۇرىس ءارى جىلدام نۇسقاسى. ولارعا ۇسىنىسحات كەلىپ تۇسسە، بىردەن حابارلاسادى. ءبىراق مەندە Facebook-تە ىستەيتىن تانىسىم بولمادى. سول كەزدە ماعان ەشكىم ۇسىنىسحات جازىپ بەرمەدى، ساتتىلىككە سەنىپ تاپسىردىم»، - دەپ ەسكە الادى ءوز تاجىريبەسىن احمەتجانوۆ.
اسحاتتىڭ ايتۋىنشا، ول Google مەن Amazon كومپانيالارىنا دا تۇيىندەمە جولداپتى. Facebook-كە شاقىرتۋ كەلىپ تۇسۋدەن ءبىر جىل بۇرىن وعان Google كومپانياسىنان اڭگىمەلەسۋگە شاقىرتۋ كەلىپتى. ءبىراق ول بۇل سۇحباتتى ويداعىداي وتە الماپتى.
جاس مامان Facebook كومپانياسىندا جۇمىس ىستەۋدىڭ ەرەكشەلىكتەرى مەن ارتىقشىلىقتارى جايلى ايىپ بەردى. ايتۋىنشا، ەڭ ەرەكشە ارتىقشىلىعى - تەگىن تاماق ەكەن.
«كەڭسەگە كىرەسىز، ميكروكيچەندەر مەن سنەكتەر تولىپ تۇرادى. بۇل ءبىر دۇكەن سياقتى، ءبىراق بارلىعى دا تەگىن. تاماق جاڭا پىسىرىلگەن، ەكولوگيالىق تازا، بارلىعى - ورگانيكالىق ونىمدەر. اسحانالارى دا بار. تۇسكى اس پەن كەشكى اس كەزىندە قايسىسىنا بارۋدى ءوزىڭ تاڭدايسىڭ. كۇن سايىن تەماتيكالىق تۇسكى اس، تەماتيكالىق كەشكى اس. ماسەلەن، بۇگىن اعىلشىنداردىڭ تۇسكى اسىن ىشتىك، قازىر باسقا مەيرامحاناعا بارساق، مەكسيكالىق كەشكى اس بولۋى مۇمكىن»، - دەدى احمەتجانوۆ.
ەكىنشى ارتىقشىلىعى - جالاقى. «شىنىمدى ايتايىن، جالاقىسىنىڭ سوماسى ۇلكەن. مەن تۇراتىن قالاداعى ورتاشا جالاقىدان جوعارى»، - دەدى اسحات. تاعى ءبىر ارتىقشىلىعى - بونۋستار. ولاردى جارتى جىلدا ءبىر بەرىپ تۇرادى ەكەن. «سەنىمەن بىرگە جۇمىس ىستەيتىندەر ساعان سيپاتتاما بەرىپ شىعادى. قالايشا جۇمىس ىستەدىڭ، نورماڭدى اتقاردىڭ با، وندا ساعان بونۋستار تۇسەدى. بونۋس تا از ەمەس. ال ەگەر تاپسىرمانى ارتىعىمەن ورىندادىڭ با، وندا كەرەمەت بونۋستار تۇسەدى. Facebook-تەگى اكسيالاردى دا بەرەدى. مەن كوماندادا ءۇش اي بولدىم. ماعان ازعانتاي اكتسياسىن بەردى»، - دەدى احمەتجانوۆ.
سونىمەن قاتار، ايتۋىنشا، كومپانيانىڭ ىشىندە ءوز ستواتولوگياسى، شاشتارازى، كىر جۋۋى جانە ۇلكەن فينتەس- زالى بار. ونىڭ ۇستىنە، كومپانيا قىزمەتكەرلەرىنىڭ بەلسەندى دەمالىسىنا دا اقشا تولەپ بەرەدى ەكەن.
«ولار سەنىڭ سالاۋاتتى ءومىر سالتىڭا بەلگىلى ءبىر سوما تولەيدى. شاڭعى تەپتىڭ بە، 100 باكس جۇمسادىڭ با، وندا سپورتپەن اينالىسقانىڭدى ايتىپ، ونىڭ ەسەبىن Facebook-كە تولەتە الاسىڭ. سوسىن ساعان اقشاڭدى قايتارىپ بەرەدى»، - دەپ ءتۇسىندىردى ول. سونىمەن قاتار، جىگىتتىڭ ايتۋىنشا، كەڭسەلەردە ۆەندەر ماشينالارىنىڭ بارىن ايتتى، وندا پەرنەتاقتا، قۇلاققاپ، قۋاتتاعىش بولادى. "ەگەر بىردەڭە كەرەڭ بولسا الاسىڭ دا قولدانا بەرەسىڭ. ۆەندەر ماشيناسىنداعى زاتتاردىڭ ىشىندە كەرەگى بولماسا، قاجەتتىسىنە تاپسىرىس بەرە الاسىڭ، ماسەلەن پەرنەتاقتا جەتكىزىپ بەرەدى"، - دەدى اسحات.
كورپوراتسيادا تەگىن كۋرستار دا كوپ ەكەن. ءتىل كۋرستارى، باعدارلاۋ كۋرستارى، وريگامي جانە تاعى دا باسقا كۋرستارىنىڭ بارىن ايتقان اسحات ءتىپتى كولىك قوياتىن ورىندا دا اۆتوجوندەۋشىلەردىڭ بولاتىنىن جەتكىزدى. " ءبىراق ولاردىڭ قىزمەتى تەگىن ەمەس، ارينە. بۇل كورپوراتسيا ىشىندەگى اۆتوجوندەۋ ورتالىعى"، - دەدى قىزمەتكەر.
جاس ماماننىڭ ايتۋىنشا، كومپانيادا جۇمىس كەستەسى جوق. قالاعان كەزىڭدە كەلەسىڭ، قالاعان كەزىڭدە كەتەسىڭ. ءتىپتى كەزدەسۋىڭ بولماسا ۇيدە دە جۇمىس ىستەي الاسىڭ. ال ەگەر ميتينگىڭ بولسا، كەزدەسۋدى وتكىزىپ الماعانىڭ ءجون. جىلىنا 21 كۇن ەڭبەك دەمالىسىن بەرەدى. ءبىراق وندا تەك جۇمىس كۇندەرى سانالادى ەكەن.
«ەندى مەن Google كومپانياسىنا بارعىم كەلمەيدى. مۇنداي كومپانيالاردى "التىن كىسەندەر" دەپ اتايدى. وسىلايشا ولار وسى ارتىقشىلىقتارىمەن بايلاپ تاستايدى. ءبىراق مەن ايتەۋىر سوڭىندا تاجىريبە الىپ، ەلىمە ورالۋدى ويلايمىن. ءبىراق بۇل جايلى ويلانبايمىن، سەبەبى باستى نازارىم - تاجىريبەدە. ءارى كەتسە 3-4 -جىلدا وتانعا ورالامىن"، - دەدى ول.
ءىرى كومپانيانىڭ جاس مامانىنىڭ ايتۋىنشا، ەركىن جۇمىس كەستەسىنە قاراماستان، جۇمىس وتە كوپ.
«مەن تىرىسىپ جاتىرمىن، ءوزىمدى كورسەتكىم كەلەدى. مۇنداعىنىڭ 99 پايىزى سۋپەر- اقىلدىلار. مەنىمەن بىرگە باستاعانداردىڭ بارلىعى دا سونداي. ولاردىڭ جۇمىس ىستەگەنىن كورگەندە تاڭعالدىم. ولاردان قالماۋ كەرەك، ءتىپتى باسەكەلەسۋ كەرەك، ءتىپتى كوپ جۇمىس ىستەپ، كوپ تىرىسۋ كەرەك. ەگەر قازاقستاندا جۇمىس ىستەسەم، ءبىر كەڭسەدە وتىرار ما ەدىم. جارتى ساعات جۇمىس ىستەپ، قالعان ۋاقىتىمدا الەۋمەتتىك جەلىلەردە وتىرىپ نەمەسە ويىندار وينايتىن با ەدىم. ال مۇندا جۇمىس ىستەپ جاتقاندا مۇرىن سىڭبىرۋگە ۋاقىت جوق. بارىنشا ءوزىڭدى وسى ىسكە ارناۋىڭ كەرەك. ارينە، ەشكىم سەنى مىندەتتەمەيدى. ءبىراق سەن جۇمىسىڭدى اتقارۋىڭ كەرەك»، - دەيدى اسحات.
«ونىڭ ۇستىنە، ەگەر فۋتبولسۇيەر بولساڭ، كۇنى بويىنا ۇلكەن ەكراندا فۋتبول كورسەڭ ەشكىم «قوي» دەمەيدى. ال ەگەر «فەيسبۋكتە» وتىرساڭ، كەرىسىنشە، ماقتايدى»، - دەپ قورىتتى ءوز ويىن قازاقستاندىق مامان.
