دانيال احمەتوۆ مۇمكىندىگى شەكتەۋلى بالالار ءۇشىن ارنايى ويىن الاڭدارى جاسالىناتىنىن ايتتى

ايماق باسشىسى دانيال احمەتوۆ تۇرعىندار الدىندا ەسەپ بەرۋ كەزدەسۋىندە 2016 -جىلدىڭ كوكتەمىنەن باستاپ، ويىن الاڭدارى قايتا جابدىقتالاتىنىن اتاپ ءوتتى. د. احمەتوۆ ەرەكشە كۇتىمدى قاجەت بالالار قۇربى- قۇرداستارىمەن ەركىن قارىم- قاتىناس جاساي الۋى كەرەك. بۇل ءۇشىن بارلىق مۇمكىندىك جاسالۋى قاجەت.

- ءبىز اباتتاندىرۋ جانە كوگالداندىرۋ ماسەلەلەرىنە توقتالعان كەزدە تەك قوعامنىڭ ءبىر ساناتىن عانا ويلايمىز. وزگە، ياعني فيزيكالىق قابىلەتى جەتىلمەگەن بالالار جايلى نەگە ويلانبايمىز؟ ەشبىر قالا مەن اۋداندا مۇمكىندىگى شەكتەۋلى بالالارعا ارنالعان، ءوز قۇرداستارىمەن قاتار وينايتىن ويىن الاڭدارى جوق. ءبىرىنشى بولىپ بۇل مىندەتتى وسكەمەن مەن سەمەي قالالارىنىڭ اكىمدەرى جۇزەگە اسىرادى، - دەدى دانيال احمەتوۆ.

بۇل شەشىم مۇمكىندىگى شەكتەۋلى بالالارعا ەش كەدەرگىسىز قوعام ورناتۋدىڭ قاجەتتىلىگىنەن تۋىنداپ وتىر. ءاربىر قالا، اۋدان، ءىرى ەلدى مەكەندەردىڭ اكىمدەرىنە ساياباقتار مەن دەمالىس ورىندارىندا ارنايى ويىن الاڭدارىن ورناتۋ تاپسىرىلدى.

اتاپ وتسەك، وبلىستا اتالعان بالالار توبىنا ارنايى جاعداي جاساۋ جۇمىستارى جۇرگىزىلىپ جاتىر. 2016 -جىلدىڭ قىركۇيەك ايىندا ويلاۋ قابىلەتى ساقتالعان، ەستۋ، كورۋ، قيمىل- قوزعالىسى ناشار بالالارعا ارنالعان پانسيونات قۇرىلىسى اياقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى