تاجىك ايەلدەرى راحموننىڭ تابانى تيگەن توسەنىشتى تابارىك قىپ الۋعا تالاسادى

گيسار اۋدانىنىڭ الموسي جاماعاتىندا تۇراتىن ءبيبىسايرام كاروماتۋللويەۆاعا تاجىكستان پرەزيدەنتى ەمومالي راحموننىڭ جولىنا توسەلگەن «پوياندوز» دەپ اتالاتىن ماتادان اپپاق استارىنىڭ جىرتىسى عانا تيگەن. كىشكەنتاي شۇبەرەكتى ايەل بالاسىنىڭ تويىنا ىرىمداپ ساقتاپ قويعان. ماتانىڭ ءبىر بولىگىن جالىنىپ سۇراعان سوڭ، كورشى ايەلگە جىرتىپ بەرىپتى.

جەرگىلىكتى بيلىك بيبيسايرامعا پرەزيدەنتتىڭ پارمەنىمەن «قاسيەتكە يە» بارقىت «پوياندوزدىڭ» نەگىزگى ماتاسىنان دا ۇلەس تيەتىنىن ايتىپ جۇباتقان.

گيسار شەنەۋنىكتەرى بۇرىن پرەزيدەنتتىڭ اياعىنا كىلەم توسەگەن، ءبىراق قاجىلىقتان كەيىن راحموننىڭ جولىنا قىزىل بارقىت توسەلە باستادى. پرەزيدەنت بۇل ماتانى كەيىن اۋدانعا ەڭبەگى سىڭگەن ايەلدەرگە تاراتىپ بەرۋدى تاپسىرعان.

ادەتتە تاجىكستاندا «پوياندوزدى» ۇيلەنۋ تويلارىندا، اسكەردەن بالاسى كەلگەندە، قاجىلىقتان ورالعاندا قۇرمەتتى قوناقتارعا قۇرمەت بەلگىسى رەتىندە اياقتارىنىڭ استىنا توسەيدى. توي يەسى «پوياندوزدىڭ» ۇستىمەن وتكەن سوڭ، ونى بىردەن جينالعاندار ماتا عىپ ءبولىپ الادى.

Stan.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى