دەنساۋلىق: ءزايتۇن مايىنىڭ پايدالى قاسيەتتەرى

 زەرتتەۋشى مامانداردىڭ ايتۋىنشا، ءزايتۇن مايىنىڭ حيميالىق قۇرامى ەرەكشە.

وندا ادام اعزاسىنا ەڭ كەرەكتى ۆيتاميندەر، قىشقىلدار، ميكروەلەمەنتتەر جيناقتالعان. ول وسىمدىك مايلارىنىڭ اراسىنداعى قورەكتىك ءنارى ەڭ قۋاتتىسى بولىپ تابىلادى. قۇرامىنداعى A, B, C, D, E, F, K  ۆيتاميندەرى توتىعۋ ارقىلى ادام اعزاسىنا قاۋىپ توندىرەتىن ەركىن راديكالدارمەن كۇرەسەدى. سونداي- اق بويداعى سۇيەك پەن بۇلشىق ەت تىندەرىن قاتايتىپ، اسقازان، ىشەك جۇمىسىن جاقسارتادى. باسقا مايلارعا قاراعاندا ءزايتۇن مايىندا كوپ كەزدەسەتىن لينولەي قىشقىلى دەنەدەگى حولەستەريندى ازايتادى، جارالاردىڭ تەز جازىلۋىن قامتاماسىز ەتىپ، كوزدىڭ وتكىرلىگىن كۇشەيتەدى. ءوز كەزەگىندە فەنولدار يممۋنيتەتتى كوتەرىپ، كارىلىكتى باياۋلاتادى.

ءزايتۇن مايى اعزاعا جاعىمدى اسەر بەرەتىندىكتەن ءارى دەنەدەگى مايلاردى ىدىراتاتىندىقتان ماماندار ونى ديەتالىق ونىمدەر قاتارىنا جاتقىزادى.

ءزايتۇن مايىن تۇراقتى تۇردە پايدالانۋ اسقورىتۋ جۇيەسىن قالىپقا ءتۇسىرىپ، حولەستەرين دارەجەسىن تومەندەتىپ، جۇرەك- قان تامىر اۋرۋلارىنىڭ الدىن الادى. ءزايتۇننىڭ تاعى دا ءبىر تاماشا قاسيەتى قاتەرلى ىسىك اۋرۋىنا دۋشار بولۋ قاۋپىن سەيىلتەتىندىگىندە جانە مۇنىڭ ءبارى دە عىلىمي تۇردە دالەلدەنگەن.

ديابەت اۋرۋىن ەمدەۋدەگى ءزايتۇن مايىنىڭ ەرەكشەلىگىن ايتپاي كەتۋگە بولمايدى. سوڭعى زەرتتەۋلەر بۇل مايدىڭ ديابەتتى قاداعالاپ تۇرا الاتىندىعىن كورسەتتى. سونداي- اق، كۇن سايىن اش قارىنعا قابىلداناتىن 1 قاسىق ءزايتۇن مايى، يممۋنيتەتىڭىزدى كۇشەيتۋگە، ارتىق سالماقتان ارىلۋعا جانە اس قورىتۋ ماسەلەلەرىن شەشۋگە كومەكتەسەدى.

 مىسالى، ءزايتۇن مايىن قىرىنۋعا ارنالعان كرەمنىڭ ورنىنا قولدانۋعا بولادى. ەلەستەتىپ كورىڭىز: ۇيرەنشىكتى جاعداي - سىزگە شۇعىل تۇردە دەپيلياتسيا جاساۋ كەرەك، الايدا، قىرىنۋعا ارنالعان كرەم قاس قىلعانداي تاۋىسىلىپ قالدى. الايدا، ۇيىڭىزدە ءزايتۇن مايى بولسا ۋايىمداۋعا ەش سەبەپ جوق. ول تەرىڭىزدى قىرىپ قانا قويماي، سونداي- اق ءىسىنىپ قىزارۋدان ساقتايدى جانە ىلعالداندىرادى.

ال ەگەر ءسىز جاز بويى كۇنگە ادەيى كۇيىپ، ءبىراق سوندا دا، ادەمى جانە ءبىر قالىپتى رەڭككە قول جەتكىزە الماساڭىز، دەنەڭىزگە ءزايتۇن مايىن جاعىپ كورىڭىز. ول تەرىڭىزدى نارلەندىرىپ، ادەمى التىن تۇستەس رەڭك سىيلايدى. دەگەنمەن، كۇنگە كۇيىپ قالماۋ ءۇشىن، ءار 10 مينۋت سايىن سۋعا ءتۇسىپ تۇرۋدى ۇمىتپاڭىز.

سونىمەن قاتار، ءزايتۇن مايىن شاش كۇتىمىندە دە پايدالانۋعا بولادى. شاشىڭىز قۇرعاق بولسا، ال باس تەرىڭىز قابىقتانسا، ءزايتۇن مايىن قولدانىپ، شاشقا ارنالعان شيپالى كونديتسيونەر دايىنداۋعا بولادى. ول ءۇشىن، جارتى كەسە ىسىتىلعان مايدى شاشىڭىزعا جاعىپ، باسىڭىزعا ارنايى تەلپەك تاعىپ، ونىڭ ۇستىنە سۇلگى وراپ، سول كۇيدە 45 مينۋت وتىرۋ قاجەت. ۋاقىت وتكەن سوڭ، شاشىڭىزدى سابىن سۋمەن جاقسىلاپ جۋۋ كەرەك. بۇل ءادىس شاشىڭىزدىڭ ادەمىلىگىن قايتارۋ ءۇشىن وتە ءتيىمدى.

تەرىڭىزدى جازاتايىم كۇيدىرىپ الساڭىز، ءزايتۇن مايى، كۇيىك جەرىنىڭ تەز جازىلۋىنا كومەكتەسەدى. مايدىڭ قۇرامىنداعى ا، ە جانە د دارۋمەندەرى تەرى جاسۋشالارىنىڭ قالپىنا كەلۋىنە ىقپال ەتەدى. ونىڭ ۇستىنە، ءزايتۇن مايى، ميكروبتاردىڭ جاراعا ەنۋىنە بوگەت جاسايدى.

 اقپارات ينتەرنەتتەن الىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى