ا ق ش- تا ارام ءشوپتى وتاۋ ءۇشىن الىنعان ەشكىلەر ساياباقتان قۋىلدى
بۇل مالىمەت اتالمىش جوباعا قاتىستى ەسەپتە جاريالاندى. قالاداعى تانىمال ءارى ءىرى ماينتو- براۋن- ايلەند ساياباعىندا لاعىمەن ءىرىسىن قوسا ساناعاندا 75 ەشكى تىكەنەكتى قارا بۇلدىرگەن، اعاش شىرماۋىعىن جانە باسقا دا ارام ءشوپتى جەپ قۇرتۋى كەرەك ەدى. ۇساق مالدى ساياباققا بىلتىر كۇزدە قولعا الىنعان ىلكى جوبا بارىسىندا جەتكىزگەن.
الايدا التى اپتادان سوڭ ساياباق اكىمشىلىگى كەلىسىمشارتتى ءارى قاراي ۇزارتۋدان باس تارتتى.
ەشكىلەر جۇرگەن سوڭ «ساياباقتىڭ ءىشى قوراداعىداي ساسىپ كەتتى»، دەپ وتىر اكىمشىلىك. جوباعا سول كەزدە 20 مىڭ دوللار جۇمسالعان، ونىڭ كوپ بولىگى ەشكىنىڭ قۇمالاعىن تەرىپ الۋعا بەرىلگەن. ەگەر وسى جۇمىسقا مامان الىنسا ونىڭ جالاقىسى اتالعان سومادان بەس ەسە تومەن بولادى ەكەن.
باسشىلار اشا تۇياقتىلاردىڭ «ەڭبەگى» جەمىستى بولسا شىعىندى كوپسىنبەس ەدى. الايدا ەشكىلەر ارام ءشوپتى ەمەس ساياباقتاعى تال مەن ۇيەڭكىنىڭ جاپىراعىن جەپ قويعان.
