قازاقستان دەلەگاتسياسى تۇرىك مەديتسينالىق تۋريزم جۇمىسىمەن تانىسىپ شىقتى

 دەپ حابارلايدى تۇركياداعى قازاقستان ەلشىلىگىنىڭ باسپا ءسوز قىزمەتىنەن.

دەلەگاتسيانىڭ تۇركياعا كەلۋىن انتاليا مۋنيتسيپاليتەتى، تۇركيانىڭ مادەنيەت جانە تۋريزم مينيسترلىگى، سونىمەن قاتار قازاقستاننىڭ تۇركياداعى ەلشىلىگىنىڭ قولداۋىمەن، ت ر باتىس جەرورتا تەڭىزى ءوڭىرىن دامىتۋ اگەنتتىگى جانە «Remed Assistance» حالىقارالىق ساقتاندىرۋ كومپانياسى ۇيىمداستىردى. ءىس- شارانىڭ باستى ماقساتى تۇركياداعى مەديتسينالىق ءتۋريزمدى دامىتۋ باعدارلامالارى اياسىندا قازاقستاندىق ارىپتەستەردى انتاليا وڭىرىندە ورنالاسقان ەمحانالاردىڭ الەۋەتىمەن تانىستىرۋ جانە تاجىريبەمەن الماسۋ.

قازاقستاننىڭ مەديتسينا مەكەمەلەرىنىڭ وكىلدەرى تاعىلىمدامادان ءوتۋ بارىسىندا انتاليانىڭ ورتالىق اۋرۋحانالارىندا بولىپ، اۋرۋلاردى انىقتاۋ، ەمدەۋ سالالارىنداعى تۇركيا تاجىريبەسىمەن كەڭىنەن تانىسۋ مۇمكىندىگىنە يە بولدى. سونىمەن قاتار قازاقستان دەلەگاتسياسى اۋرۋحانالاردىڭ شتاتتىق قۇرىلىمىمەن، اۋرۋلاردى ەمدەۋدەگى زاماناۋي ادىستەرمەن، تەحنولوگيالارمەن تانىستى.

تاعىلىمدامادان ءوتۋ بارىسىندا دەنساۋلىق ساقتاۋ ماسەلەلەرىنە جاۋاپتى انتاليا پروۆينتسياسى گۋبەرناتورىنىڭ ورىنباسارىنىڭ باسشىلىعىندا جەرگىلىكتى اكىمشىلىگى مەن مەديتسينالىق مەكەمەلەردىڭ قاتىسۋىمەن «دوڭگەلەك ۇستەل» وتكىزىلدى. اتالعان ءىس- شارا بارىسىندا انتاليا پروۆينتسياسىنداعى دەنساۋلىق ساقتاۋ سالاسىنىڭ قالىپتاسۋى، الەۋەتى جانە مەديتسينالىق تۋريزمدى دامىتۋ ماقساتىندا بايانداما جانە سۇراق- جاۋاپ فورماتىندا تالقىلاۋلار بولدى.

قازاقستان دارىگەرلەرى توبى انتاليا قالاسىنداعى جەرورتا ۋنيۆەرسيتەتىنىڭ نەگىزىندە ۇيمداستىرىلعان عىلىمي- زەرتتەۋ ەمحاناسىنا بارىپ قايتتى.

دەلەگاتسيا ساپارى باعدارلاماسىنىڭ اياسىندا انتاليا پروۆينتسياسىنىڭ مەملەكەتتىك جانە ءتورت الدىڭعى قاتارلى جەكە ەمحانانىڭ جۇمىسىمەن تانىسۋ دا قاراستىرىلعان.

تۇرىك مەديتسيناسىنىڭ تاجىريبەسى قازاقستاندىق مەديتسينالىق مەكەمەلەرى، زەرتتەۋ ورتالىقتارى، امبۋلاتورلىق جانە ساۋىقتىرۋ ەمدەۋ پروفيلاكتورييلەرى جۇمىسىنىڭ دامۋىنا وزىندىك ۇلەس قوسپاق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى