قازاق ۇلتتىق مەديتسينا ۋنيۆەرسيتەتىنىڭ رەكتورى ا. اقانوۆ قارجى جىمقىرعانى ءۇشىن سوتتالدى
«2015 - جىلى سىبايلاس جەمقورلىققا قارسى ءىس- قيمىل قىزمەتىندە 151 تۇلعاعا قاتىستى 248 سوتقا دەيىنگى تەرگەۋ امالدارى جۇرگىزىلگەنىن تىركەدى»، - دەدى ق ر سىبايلاس جەمقورلىققا قارسى ءىس- قيمىل ۇلتتىق بيۋرو ءتوراعاسىنىڭ ورىنباسارى اليك شپەكبايەۆ.
بۇرىن حابارلانعانداي، الماتى قالاسى المالى اۋداندىق سوتى س. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ رەكتورى ايقان اقانوۆتى ق ر قك 307-بابىنىڭ 2-بولىمىمەن ايىپتى دەپ تاۋىپ، 2000 اەك (3964000 تەڭگە) كولەمىندە ايىپپۇل سالدى. سونداي- اق، ايقان اقانوۆ 7 جىل بويى مەملەكەتتىك قىزمەت اتقارۋ قۇقىعىنان ايرىلدى.
شىمكەنت قالاسىنداعى ءال- فارابي اتىنداعى اۋداندىق سوتى و ق و- نىڭ ءبىلىم سالاسىن باقىلاۋ دەپارتامەنتىنىڭ باسشىسى ا. جاقسىبەكوۆتى ق ر ق ك- ءنىڭ 366-بابى بويىنشا (پارا الۋ) ايىپتى دەپ تانىپ، 51,6 ميلليون تەڭگە كولەمىندە ايىپپۇل سالدى. بۇدان باسقا، سوت بۇرىنعى شەنەۋنىكتىڭ مۇلكىن تاركىلەپ، ءومىرىنىڭ سوڭىنا دەيىن مەملەكەتتىك ورگاندارعا قىزمەتكە ورنالاسۋ قۇقىعىنان ايىردى.
