ايەلدىڭ جۇكتىلىك كەزىندە ىشىمدىك ءىشۋى بالانىڭ ۇيقىسىن بۇزادى
جۇكتىلىك كەزىندە ءبىر رەت قانا الكوگولدى ىشىمدىكتى پايدالانۋ دا بولاشاقتا بالانىڭ ۇيقىسىن بۇزۋعا جەتكىلىكتى، دەپ جازدى The Daily Mail.
ماماندار ارنايى زەرتتەۋ جۇمىسىن تىشقاندارعا جاسادى. كەمىرۋشىلەرگە تۋعاننان كەيىن ءبىرىنشى اپتادا تازا سپيرت ەنگىزگەن. سپيرت ەنگىزىلگەن كەمىرۋشىلەردە وسكەندە ۇيقىلارىنىڭ، سونىڭ ىشىندە تەرەڭ ۇيقىنىڭ بۇزىلعانى بايقالعان.
ايتا كەتۋ كەرەك، ادام اعزاسى ءۇشىن تەرەڭ ۇيقىنىڭ ماڭىزى زور. زەرتتەۋ جۇمىسىندا ۇيقىسى بۇزىلعان كەمىرۋشىلەردىڭ دە ەستە ساقتاۋ قابىلەتى بۇزىلعان. الكوگول ۇيقىنى رەتتەيتىن مي بولىگىنىڭ دامۋىنا كەدەرگى كەلتىرەدى. عالىمداردىڭ پايىمىنشا، بۇل ادامدارعا دا قاتىستى.
