ا ق ش- تا ولتىرىلگەن جەتكىنشەكتەر رەسەي نەمەسە قازاقستاننان اسىراپ الىنعان بولۋى مۇمكىن

«ر ي ا نوۆوستي» حابارلاعانداي، ۆاشينگتونداعى رەسەي ەلشىلىگىندە بۇل اقپارات راستالۋى كەرەك. ديپلوماتتار امەريكالىق تاراپتان وقيعانىڭ ءمان- جايىن كۇتىپ وتىر. كەيبىر رەسمي ەمەس دەرەكتەردە قازا تاپقان جەتكىنشەكتەر قازاقستاندا تۋۋى مۇمكىن.

 ەسكە سالا كەتەيىك، وقيعا لانا كارلسون (49 جاستا)، كۋين كارلسون (16 جاستا) جانە توري كارلسونعا (18 جاستا) قاتىستى. كوز جۇمعان تاعى ءبىر قىزدىڭ ەسىمى ازىرگە اتالمادى. تەرگەۋ مالىمەتتەرىنشە، ولاردى لانا كارلسوننىڭ كۇيەۋى، 51 جاستاعى دەۆيد ۋەين كەمپبەلل اتۋى مۇمكىن. وقيعا ورنىنا قۇقىق قورعاۋ ورگاندارى كەلگەندە ول ءوز- وزىنە قول سالعان.

بالالار قۇقىعى بويىنشا ر ف پرەزيدەنتى جانىنداعى ۋاكىل پاۆەل استاحوۆ Twitter- دەگى جەكە پاراقشاسىندا بەلفەير (ۆاشينگتون شتاتى) قالاسىندا امەريكالىق اتىپ ولتىرگەن ادامداردىڭ ىشىندە رەسەيدە تۋعان بالالار بولدى دەپ جازعانىن ت ا س س حابارلادى.

 جەرگىلىكتى ب ا ق- تا شىققان سۋرەتتەرگە قاراعاندا، ۆاشينگتون شتاتىندا قازا تاپقان جاسوسپىرىمدەر اراسىندا ازيالىق بولعان.

KIRO7 تەلەارناسى سەنبى كۇنى 18 جاستاعى توري كارلسوننىڭ سۋرەتىن جاريالادى. ازيالىقتىڭ سۋرەتىن جەلىدە تانىستارى جاريالاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى