الماتىدا ازاماتتىق قورعانىس قۇرالدارىنىڭ كورمەسى ءوتتى
«1990-جىلعى 18- جەلتوقساندا ازاماتتىق قورعانىس حالقارالىق ۇيىمىنىڭ 9 اسسامبلەياسى 1- ناۋرىزدى جىل سايىن دۇنيەجۇزىلىك ازاماتتىق قورعانىس كۇنى رەتىندە اتاپ ءوتۋدى بەكىتتى. قازاقستان 1996-جىلى حالقارالىق ۇيىمعا مۇشە بولىپ كىردى. سودان بەرى ەلىمىزدە ايتۋلى داتا اتالىپ وتىلەدى. بۇگىنگى شارا - حالىقتى بولۋى ىقتيمال توتەنشە جاعدايلارعا دايىنداۋ. وزدەرىڭىز كورگەندەي، مۇندا ج و و ستۋدەنتتەرى، وقۋشىلار ءجۇر. ءبىزدىڭ ماقساتىمىز سولاردىڭ ساناسىندا قاۋىپسىزدىك ۇعىمىن قالىپتاستىرۋ»، - دەدى الماتى ت ج د ازاماتتىق قورعانىس باسقارماسىنىڭ اعا وفيتسەرى، پولكوۆنيك ەڭسەبايەۆ بەيبىت.
«استانا» الاڭىندا اشىلعان كورمەگە بارلىعى 35 تەحنيكا قويىلعان. ءورت سوندىرۋگە ارنالعان ءموبيلدى كولىكتەردەن وزگە 90 مەترگە دەيىن كوتەرىلەتىن كوتەرگىش-باسپالداق كەلۋشىلەردىڭ قىزىعۋشىلىعىن تۋعىزدى.
رەسپۋبليكالىق « قىزىل اي» قوعامىنىڭ قۇرعان پالاتكاسىندا جەر سىلكىنىسى بولعان جاعدايدا كورسەتىلەتىن العاشقى كومەك پەن جەدەل ءىس-ارەكەت قيمىلدارى كورسەتىلگەن. سونىمەن قاتار، پروون ۇيىمى ۇيىمداستىرعان جالعان جەر تەربەلىسىن تۋدىراتىن سيمۋلياتور-كابينەتىنە كىرىپ جاتقاندار وتە كوپ.
اۆتور: گۇلميرا عوسمانالي
