قازاقستان مەن مىسىر اتوم سالاسىندا ىنتىماقتاستىق ورناتادى
بۇل تۋرالى بۇگىن اقوردادا ەلىمىزگە رەسمي ساپارمەن كەلگەن مىسىر اراب رەسپۋبليكاسىنىڭ پرەزيدەنتى ابدەل فاتتاح اس-سيسيمەن كەلىسسوزدەردەن كەيىنگى بىرلەسكەن مالىمدەمەدە ەلباسى نۇرسۇلتان نازاربايەۆ ايتتى.
ق ر پرەزيدەنتى مىسىرمەن اتوم سالاسىنداعى ىنتىماقتاستىقتى دامىتۋ ماسەلەسى دە قاراستىرىلىپ وتىرعاندىعىن ايتتى.
«ەلىمىزدە تومەن بايىتىلعان ۋران بانكىنىڭ قۇرىلۋى، مىسىرداعى اتوم ەلەكتر ستانساسىن سالۋ جوسپارىنا سايكەس وسى باعىتتا ىنتىماقتاستىق ورناتۋ جايىن تالقىلاي باستادىق»، - دەدى ن. نازاربايەۆ.
ەلباسى مىسىرمەن مادەني، حالىق اعارتۋ سالاسىنداعى ىقپالداستىق جانداناتىندىعىن اتاپ ءوتتى. قازاقستاننىڭ جاستارى بۇگىندە مىسىردا ءدىني ءبىلىم الىپ جاتقاندىعىن ەسكە سالىپ ءوتتى.
«حالىقارالىق تەرروريزم، ەكسترەميزم جانە باسقا دا قىلمىس تۇرلەرىنە قارسى كۇرەستە تىعىز ىنتىماقتاستىق ورناتۋعا دايىنبىز»، - دەدى ەلباسى.
اۆتور: مارلان جيەمباي
