الماتىدا تانىمال سپورتشىلار مەن ونەر جۇلدىزدارى «مەن ەلىمدى سۇيەمىن» اكسياسىنا قولداۋ كورسەتتى - فوتو
اكسيا بارىسىندا مۇز ايدىنىنا شىققان جاستار فلەش-موب ۇيىمداستىردى. ق ر تاۋەلسىزدىگىنىڭ 25 جىلدىعىنا وراي ءتىزىلىپ تۇرىپ، جۇرەكتىڭ بەينەسىن سالدى. ءسويتىپ، ونىڭ ورتاسىنا «25» سانىن كورسەتتى.
ءوز سوزىندە بوكستان سيدنەي وليمپياداسىنىڭ چەمپيونى ەرماحان ىبرايىموۆ وتاندى ءسۇيۋ - ناعىز پاتريوتتىق سەزىم ەكەندىگىن، سوندىقتان پاتريوت بولۋ كەرەكتىگىن ايتتى.
«بۇگىن قازاقتىڭ ەلىمىزگە بەلگىلى نار تۇلعالى ازاماتتارى جانە ستۋدەنت جاستارى مەدەۋگە كەلىپ، وزدەرىنىڭ وتانىمىزعا دەگەن سۇيىسپەنشىلىگىن ءبىلدىرىپ جاتىر. بۇل جەردە اسىرەسە جاستاردىڭ كوپتەپ جينالعانى ءبىزدى ەرەكشە قۋانتادى. ويتكەنى، وتاندى ءسۇيۋ، قازاقستاندى ءسۇيۋ - بۇل ناعىز پاتريوتتىق سەزىم! سوندىقتان، پاتريوت بولىڭىزدار! العا قازاقستان!»، - دەدى ەرماحان ىبرايىموۆ.
ءوز كەزەگىندە ءانشى ءمادينا ءسادۋاقاسوۆا جاستاردى ەل دامۋىنا ۇلەس قوسۋعا شاقىردى.
«ەلىمىزدىڭ وركەندەۋىنە ءوزىمىزدىڭ ۇلەسىمىزدى قوسقىمىز كەلەدى. جانە دە وعان ءبىزدىڭ مۇمكىندىگىمىز دە كۇشىمىز دە جەتەدى. ەڭ باستىسى، قازاقستاندىقتار بەيبىت ەلدە، ءماز مەيرام عۇمىر كەشۋدە»، - دەدى ول.
سونىمەن قاتار، ستۋدەنت جاستار دا وزدەرىنىڭ وتانعا دەگەن لەبىزدەرىن سەزىمىن ءبىلدىرىپ جاتتى.
«قانشاما جاستار مىنا جەردە قولدارىنا كوپ كوك بايراق پەن شارلار ۇستاپ، وتاندى شەكسىز سۇيەتىندەرىن ءبىلدىرىپ جاتىر. بارلىعىمىز جاقسى كورەمىز ەلىمىزدى. الايدا، ونى وسىلاي كورسەتە بەرۋ، پاش ەتۋ - ۇلكەن ماڭىزعا يە»، - دەدى ستۋدەنت ۇلجان ىبرايىموۆا.
