كاسىبي بوكسشىلاردىڭ وليمپياداعا قاتىسۋى كوكتەمنىڭ ورتاسىندا بەلگىلى بولادى

بۇل تۋرالى رەسەيلىك ت ا س س اگەنتتىگى AIBA- عا سىلتەمە جاساي وتىرىپ حابارلايدى.

«كاسىبي بوكسشىلاردىڭ وليمپيادالىق ويىندارعا قاتىسۋى جونىندەگى قاعيدانىڭ بەكىتىلۋى تالقىلاناتىن ۇيىمنىڭ كەزەكتەن تىس كونگرەسى كوكتەمگە جوسپارلانعان»، - دەپ حابارلادى قاۋىمداستىقتا.

2013-جىلى ەنگىزىلگەن AIBA- نىڭ قولدانىستاعى قاعيداسىنا سايكەس كاسىبي بوكسشىلار كەمىندە 15 جارىس وتكىزسە (سىياقى الىپ)، سونداي-اق ۇيىممەن ارنايى قىسقا مەرزىمدى كەلىسىمشارتقا قول قويعان جاعدايدا وليمپياداعا قاتىسۋعا قۇقىعى بار.

«ەرەجەگە قاتىستى ايتار بولساق، ونى ۇيىمنىڭ اتقارۋشى كوميتەتى بەكىتەدى دە، سوسىن كەزەكتەن تىس كونگرەسكە قۇپتاۋعا ۇسىنىلادى»، - دەپ ءتۇسىندىردى AIBA ۆيتسە- پرەزيدەنتى، ازيالىق بوكس كونفەدەراتسياسىنىڭ پرەزيدەنتى سەرىك قوناقبايەۆ.

س. قوناقبايەۆ كاسىبي بوكسشىلاردا تاياۋدا وتەتىن وليمپيادالىق ويىندارعا قاتىسۋعا تەوريالىق تۇرعىدان قاراستىرعاندا مۇمكىندىكتەرى بار ەكەندىگىن اتاپ ءوتتى.

«تەوريالىق جاعىنان بولادى. ەگەر ءبىز قاجەتتى قۇجاتتاردى رەسمي راسىمدەۋ بويىنشا بارلىق راسىمدەردى مەرزىمىندە وتسەك، وندا بۇل مۇمكىن. ۇلتتىق فەدەراتسيالاردىڭ كوپشىلىگى بۇل باستامانى قولدادى. ارينە، قاي جاڭالىقتىڭ بولسا دا، جاقتاۋشىلارى مەن قارسى شىعاتىندارى بولادى»، - دەپ مالىمدەدى AIBA ۆيتسە-پرەزيدەنتى.

ۇسىنىلعان جاڭا قاعيدا قابىلدانۋى مۇمكىن، ول جاسىنان جانە تاجىريبەسىنەن تىس كەز كەلگەن كاسىبي بوكسشىعا وليمپيادا ويىندارىنا قاتىسۋعا مۇمكىندىك بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى