الماتىدا ايەلىن اڭدىپ، تىڭ تىڭداعان ادامعا قاتىستى قىلمىستىق ءىس قوزعالدى - فوتو
بۇل تۋرالى بۇگىن الماتى قالالىق ءى ءى د باسپا ءسوز قىزمەتىنەن حابارلادى.
بۇل دەرەك بويىنشا قازىر تۇركىسىب اۋداندىق ىشكى ىستەر باسقارماسىندا سوتقا دەيىنگى تەرگەۋ امالدارى جۇرگىزىلىپ جاتىر. ازىرگە بەلگىلى بولعانى، جەرگىلىكتى ازامات ۇيىنە تىڭ تىڭدايتىن تەحنيكالىق قۇرىلعى ورناتقان. وسىلايشا، ايەلىنىڭ سىرتىنان جاسىرىن اڭدىپ جۇرگەن.
«22- اقپاندا، سوتقا دەيىنگى تەرگەۋ امالدارى اياسىندا ارىز بويىنشا كورسەتىلگەن وسى مەكەن جايدا رۇقسات ەتىلگەن ءتىنتۋ جۇمىستارى جۇرگىزىلدى. جاتىن بولمەدە ارنايى تەحنيكالىق قۇرىلعى تابىلىپ، تاركىلەندى. ول وزگەرتىلىپ قايتا جاسالعان ەكەن. بۇدان كەيىن، جەدەل-ىزدەۋ شارالارى بارىسىندا وزبەكستاندا تۋىپ وسكەن، 1982-جىلعى «ك» ەسىمدى ازامات ۇستالدى.
ول تەرگەۋ بارىسىندا اتالعان مەكەن جايدا ارنايى تەحنيكالىق قۇرىلعى ورناتقاندىعىن مويىندادى. قازىر تاركىلەنگەن تەحنيكالىق قۇرىلعى بويىنشا سوت-كريميناليستيكالىق ساراپتاما تاعايىندادى»، - دەدى الماتى قالالىق ءى ءى د كريمينالدىق پوليتسيا باسقارماسىنىڭ «ك» ءبولىمىنىڭ باسشىسى پوليتسيا پودپولكوۆنيگى اسقار سىسويەۆ.
