اسكەري بولىمدەردە سىبايلاس جەمقورلىقتىڭ الدىن الۋدىڭ ماڭىزى زور - فوتو
بۇل تۋرالى اقتوبە گارنيزونى اسكەري سوتى مەن ورال گارنيزونى اسكەري پروكۋراتۋراسى بىرلەسىپ وتكىزگەن دوڭگەلەك ۇستەل وتىرىسىندا ايتىلدى.
ورال گارنيزونى اسكەري پروكۋراتۋراسىنان تۇسكەن مالىمەتكە قاراعاندا، ق ر ۇلتتىق ۇلانى «باتىس» وڭىرلىك قولباسشىلىعىنىڭ جەكە قۇرامى، 5517-اسكەري ءبولىمى جانە ق ر ۇ ق ك شەكارا قىزمەتى 2029-اسكەري ءبولىمىنىڭ قىزمەتكەرلەرى قاتىسقان جيىنعا ءتوراعالىق ەتكەن اقتوبە گارنيزونى اسكەري سوتىنىڭ ءتوراعاسى شىنبولات قادىروۆ وتكەن جىلعى 18- قاراشادا قابىلدانعان «سىبايلاس جەمقورلىققا قارسى ءىس- قيمىل تۋرالى» زاڭنىڭ سىبايلاس جەمقورلىققا قارسى ءىس- قيمىلدى رەتتەپ، وسى باعىتتاعى ساياساتتى جۇزەگە اسىرۋعا باعىتتالعاندىعىن اتاپ ءوتتى. جەمقورلىق قوعامدى جەگىدەي جەيتىن دەرت ەكەندىگى بەلگىلى. سوندىقتان، باستى ماقسات ونىڭ الدىن الۋ بولىپ تابىلادى.
بۇدان كەيىن كۇن تارتىبىندەگى ماسەلە بويىنشا ورال گارنيزونىنىڭ اسكەري پروكۋرورى، ادىلەت پولكوۆنيگى التىنباي رايەۆ بايانداما جاساپ، سىبايلاس جەمقورلىقپەن كۇرەسكە ارنالعان شارالاردى ۇيىمداستىرۋدا ۆەدومستۆوارالىق بايلانىستىڭ ماڭىزدىلىعىنا توقتالدى.
اقتوبە گارنيزونى اسكەري سوتىنى كەڭسە مەڭگەرۋشىسى باقىتبەك وماروۆ «سوت كابينەتى» اقپاراتتىق قىزمەتىنە توقتالىپ، كەز كەلگەن ازاماتتىڭ ءوتىنىم، ارىز- شاعىم، تالاپ- ارىزداردى سوتقا ەلەكتروندى تۇردە بەرۋگە بولاتىنىن ەسكە سالدى.
دوڭگەلەك ۇستەلگە قاتىسۋشىلار پىكىر الىسىپ، ساۋالدارىنا جاۋاپ الدى.
