قىتاي «استانا» حالىقارالىق قارجى ورتالىعىنىڭ اكسيونەرى بولۋعا قىزىعۋشىلىق تانىتىپ وتىر
بۇل تۋرالى بەيجىڭگە بارعان قايرات كەلىمبەتوۆ مالىمدەدى، دەپ حابارلادى www.24.kz.
ال اتالمىش ورتالىق بيىلدان باستاپ قۇرىلادى. سوندىقتان وسى سالادا كورشى ەلدەرمەن، اسىرەسە قىتايمەن ارىپتەستىك ورناتۋ ماڭىزدى. كەلىمبەتوۆ ءبىرقاتار كەزدەسۋ وتكىزدى. سونىڭ ىشىندە قىتاي ورتالىق بانكى قۇندى قاعازداردى رەتتەۋ كوميسسياسىمەن، «جىبەك جولى» قورى جانە وسىنداعى ينۆەستيتسيالىق كورپوراتسيانىڭ باسشىلىعىمەن جۇزدەستى. سونىمەن قاتار قىتاي ەلىندەگى جۇمىس ساپارى اياسىندا شاڭحاي جانە گونكونگ قالالارىنا دا بارۋدى جوسپارلاپ وتىر.
«ءبىرقاتار ۇيىمدار استانا ح ق و- نىڭ اكسيونەرى بولۋعا جانە بيرجادا جۇمىس ىستەۋگە ىنتا ءبىلدىرىپ وتىر. بۇل ءبىز ءۇشىن وتە ماڭىزدى. ويتكەنى ءبىز جەرگىلىكتى بيرجالارمەن بىرلەسىپ جۇمىس ىستەيتىن بولامىز. بۇگىندە شانحاي جانە گونكونگ بيرجالارىمەن كەلىسسوزدەر جۇرگىزىپ جاتىرمىز. سونداي- اق، ءبىز قىتايلىق ينۆەستيتسيالىق كورپوراتسيامەن دە ارىپتەستىك ورناتتىق، ولاردىڭ ەلىمىزدىڭ قارجى سەكتورىنا ينۆەستيتسيا سالماق ويلارى بار»، - دەدى «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ.
