بايان-ولگەي-قوبدا باعىتىندا جاڭا اۋەرەيس اشىلادى

سوندىقتان، ۇلكەن ۇشاقتارمەن الماستىرۋ كەرەك. قوبدا اۋەجايى ۇلكەن ۇشاقتار قونۋعا ارنالعاندىقتان، تىكەلەي قوبداعا ۇلكەن ۇشاقتار قوندىرىپ، ودان بايان-ولگەي، گوۆ-التاي ايماقتارىنا شاعىن ۇشاقتارمەن قىسقا رەيستەر جاساۋ، جانە بيلەت قۇنىن ارزانداتۋعا بولاتىنىن موڭعوليا پرەمەر-ءمينيسترى چ. سايحانبيلەگ بۇگىنگى «شەشۋشى ساعات» - تا ايتتى.

بۇل جونىندە جۋىق ارادا باستاما كوتەرىپ، ۇكىمەتكە تانىستىرۋدى ازاماتتىق اۆياتسيا باسقارماسىنىڭ باسشىسى گ. نيامداۆا، ميات كومپانياسىنىڭ اتقارۋشى ديرەكتورى ت. تاميرگە تاپسىردى.

بۇل تۋريزم دامۋىنا ۇلەس قوسادى دەپ وتىر. گونكونگ-ۇلانباتىر-قوبدا، بەرلين-ۇلانباتىر- بايان-ولگەي ءبىر باعىتىنا، ءبىر اۆياكومپانيا قاتىنايتىن بولسا شەتەلدىك تۋريستەر، تاۋشىلار ءۇشىن وتە ماڭىزدى بولماق. جانە دە رەسەي، ق ح ر- نىڭ كورشى قالالارىن ۇلانباتىرمەن جالعايتىن ترانزيت رەيستەردى اشۋدى كوزدەپ وتىر. مۇندا ميات عانا ەمەس، وزگە جەكە مەنشىك اۆياكومپانيالارىن تارتىپ، تاراپتاردىڭ پايدالى جۇمىس ىستەۋىنە ۇكىمەت قولداۋ كورسەتپەك.

ۇكىمەتتەن بەرىلگەن تاپسىرما بويىنشا ميات كومپانياسى اەرومونگوليا كومپانياسىمەن ىنتىماقتاسا وتىرىپ، باتىس وڭىرلەرگە جاسايتىن رەيستەرىنىڭ بيلەت باعاسىن ارزانداتۋ، تۇتىنۋشىلارعا ۇسىناتىن قىزمەتتەرىن جاقسارتۋ جونىندە مامىلەگە كەلىپ وتىرعانىن ايتادى. ۇستىمىزدەگى جىلدىڭ 15- ساۋىرىنەن باستاپ اەرومونگوليا كومپانياسى قوبداعا شاعىن ۇشاقتارىن ورنالاستىرادى. ۇلانباتىردان ۇلكەن ۇشاقپەن قوبداعا قونعان جولاۋشىلار شاعىن ۇشاقپەن بايان-ولگەي، زاۆحانعا جەتەدى. گوۆ-التاي مەن زاۆحاندى بىرگە ۇيىمداستىرۋعا بولادى. ەسەسىنە، بيلەت باعاسى بۇگىنگى تاريفتەن 40 پايىزعا ارزاندايدى دەپ جوسپارلانۋدا.

kaznews.mn

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى