شىمكەنت اكىمى سپورتتىڭ ەرەكشە تۇرىمەن شۇعىلداناتىنىن ايتىپ، ماقتاندى
بۇنى جۇرتشىلىق قوشەمەتپەن قابىلدادى دەپ جازادى NUR. KZ ءتىلشىسى.
مۋاي-تاي بويىنشا شىمكەنتتە العاش رەت قالا بىرىنشىلىگى ءوتتى. ونىڭ اشىلۋ سالتاناتىندا ءسوز العان شىمكەنتتىڭ اكىمى عابيدوللا ءابدىراحىموۆ جاس سپورتشىلارعا ساتتىلىك تىلەپ، دودانىڭ باسى-قاسىندا بولدى. ءوز سوزىندە شاھار باسشىسى ەلدىڭ رۋحى كۇشتى بولۋ ءۇشىن دەنە مىقتى بولۋ كەرەكتىگىن دە ەسكەرتتى.
«ءبىزدىڭ رۋحىمىز كۇشتى بولۋ ءۇشىن دەنەمىز مىقتى بولۋ كەرەك. سوندىقتان سەندەردىڭ بارلىقتارىڭدى قولدايمىن جانە ساتتىلىك تىلەيمىن. قۇداي قالاسا، ۇلكەن جەتىستىككە جەتىڭدەر. چەمپيون بولىڭدار. شىنىمدى ايتسام، مەن دە وسى سپورت تۇرىمەن شۇعىلدانامىن»، - دەگەن عابيدوللا راحماتوللا ۇلى: «مۇمكىن ءبىر-ەكى جىلدان كەيىن سىزدەرمەن جەكپە-جەككە شىعىپ قالارمىن»، - دەپ ويىن تۇيىندەدى.
چەمپيونات 11№ شىعىس جەكپە-جەك تۇرلەرىنەن بالالار مەن جاسوسپىرىمدەردىڭ مامانداندىرىلعان سپورت مەكتەبىندە وتكەن. دودادا باس-اياعى 110 سپورتشى جۇلدەگە تالاستى.
ايتپاقشى، اعىمداعى جىلدىڭ اقپان ايىندا عانا شىمكەنتتە مۋاي-تاي فەدەراتسياسىنىڭ وڭتۇستىك قازاقستان وبلىستىق فيليالى اشىلعان ەدى. وعان قالا اكىمى پرەزيدەنت بولىپ تاعايىندالعان بولاتىن.
