كەدەيلىكتىڭ كوشىن كىم باستاپ تۇر؟
وسىندايدا كەدەيلىكتىڭ كوشىن كىم باستاپ كەلە جاتقانىن بىلۋگە ىنتىق حالىقتىڭ قاراسى دا كوبەيەدى. ايتالىق.. .
الەمدە ەكونوميكاسىنىڭ ەڭسەسى تۇسكەن ەلدەردىڭ كوشىن ەكى جىلدان بەرى ۆەنەسۋەلا باستاپ كەلەدى. بۇل رەيتينگتى Bloomberg ساراپتاما اگەنتتىگى جاساعان. ولاردىڭ دەرەگىنشە مۇناي باعاسىنىڭ تومەندەۋى ەل ەكسپورتىنىڭ 95 پايىزىنا جەتكەن. ينفلياتسيا بىلتىر - %98,3، جۇمىسسىزدىق -% 6,8 قۇراعان. ۇستىمىزدەگى جىلى تۇتىنۋ باعاسى -% 152، جۇمىسسىزدىق% - 7,7 بولادى دەگەن بولجام جاسالىپ وتىر. بۇدان شىعاتىن قورىتىندى ۆەنەسۋەلا ازىرشە نارىقتىڭ ناعىز كورىگىن قىزدىرا المايتىن سەكىلدى.
ەكىنشى ورىندا - ارگەنتينا. انتيرەيتينگتە وڭتۇستىك افريكا رەسپۋبليكاسى ءۇشىنشى، گرەتسيا ءتورتىنشى ورىندا. وتكەن جىلدىڭ كورسەتكىشتەرىمەن سالىستىرعاندا، ولاردىڭ دا ءبىراز ۋاقىتتان بەرى «قوزعالىسسىز» تۇرعانى انىقتالعان.
قيىندىقتىڭ زاردابىن كورگەندەردىڭ قاتارىندا ۋكراينا بەسىنشى ورىندا. بۇل ەل وتكەن جىلى ەكىنشى ورىندا بولعان. ودان كەيىنگى ءتىزىمدى يسپانيا، سەربيا، تۇركيا، برازيليا باستاپ كەلەدى. ال رەسەيلىك كورشىمىز قانشا قىسپاق كورسە دە كەدەيلىك رەيتينگىندە 14 - ورىنعا جايعاسىپتى.
ەكونوميكاسى ەلدى ەلەڭدەتپەگەنن ەلدەر قاتارىنا ا ق ش، مالايزيا، رۋمىنيا، ۇلىبريتانيا، گونكونگ، دانيا، قىتاي، وڭتۇستىك كورەيا، تايۆان، جاپونيا جاتادى. ناعىز جەتەكشى ەل رەتىندە شۆەيتساريا، سينگاپۋر جانە تايلاندتىڭ باعى جانىپ تۇر.
