تاۋ بوكتەرىندە ورنالاسقان عيماراتتاردىڭ جوعارعى ەكى قاباتى سۇرىلەدى - ب. بايبەك

 ونىڭ ايتۋىنشا، عيماراتتار ەكولوگيالىق پارامەترلەرگە ساي سالىنىپ جاتسا دا جوعارعى قاباتتار دەمونتاجدالادى.

 «Energy Green Homе» عيماراتىن مەملەكەت باسشىسى كوردى. بۇل كومپانيا نىساندى پارامەترگە ساي سالىپ جاتسا دا جوعارعى ەكى قاباتى الىنادى. قۇزىرلى باسقارمالار بۇل سۇراقتى ورىنداۋعا بىردەن كىرىسسىن. ەرتەڭنەن باستاپ، جوعارعى قاباتتار دەمونتاجدالادى»، - دەدى اكىم.

ايتا كەتۋ كەرەك، جيىن بارىسىندا ءال- فارابي داڭعىلىنان جوعارى ايماقتا نىسانداردى سالۋدىڭ جاڭا رەگلامەنتى تاعايىندالدى. جاڭا رەگلامەنتكە سايكەس، عيماراتتىڭ بيىكتىگى 3 قاباتتان اسپاۋى كەرەك. تومەنگى قاباتتى سالۋعا رۇقسات بەرىلەدى. ءبىراق بيىكتىگى 12 مەتر بولۋى، كەڭدىگى 15 مەتر بولۋى ءتيىس.

 سونداي- اق، تاۋلى ايماقتار مەن تاۋ بوكتەرىندە قۇرىلىس جۇرگىزۋگە تىيىم سالىنادى.

بۇعان دەيىن مەملەكەت باسشىسى الماتىعا ساپارى بارىسىندا ءال- فارابي داڭعىلىنان جوعارى ورنالاسقان عيماراتتاردىڭ ەكولوگيالىق احۋالعا كەلتىرىپ جاتقان زالالىن تىلگە تيەك ەتكەن بولاتىن. ەلباسى قالاعا تاۋدان سوعاتىن سامالدىڭ ماڭىزدىلىعىن ەسكەرتتى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى