الەم حالقىن دۇرلىكتىرگەن نەكە تويلارى - فوتو
10-ورىندا 9 جاستاعى دجەيلا كۋپەر مەن 7 جاستاعى حوسە گريكس تۇر. دجەيلا وزگە قىزدار سەكىلدى تۇرمىسقا شىعىپ، توي كويلەگىن كيسەم دەپ ارمانداعان. الايدا اق قان اۋرۋىمەن اۋىرعاندىقتان، بۇل ارمانىنىڭ مۇمكىن بولمايتىنىن بىلگەن. ونىڭ جاقىن دوسى حوسە قىزدىڭ بۇل ارمانىن ورىنداعىسى كەلگەن. ول ۇنەمى داللاستاعى بالالارعا ارنالعان مەديتسينالىق ورتالىققا بارىپ، دجەيلانىڭ كوڭىلىن سۇراپ جۇرگەن. دوستىقتارىنىڭ سوڭى تويعا ۇلاسقان ەكى جاستىڭ وقيعاسى ادامعا اۋىر تيەتىن. دجەيلا تويدان سوڭ ەكى اي وتكەندە 2009 -جىلى كوز جۇمدى.
9 - ورىندا شاديل دەففي مەن سارينيا كامسۋك. ەگەر جوعارىدا ايتىلعانداي قالىڭدىق قايتىس بولار الدىندا تۇرمىسقا شىققان بولسا، بۇل جولى كۇيەۋ جىگىت قايتىس بولعان قالىڭدىققا ۇيلەندى. ولار 10 جىل كوڭىل قوسىپ ءجۇرىپ، اقىرى ۋاقىتتىڭ تاپشىلىعىنان توي كۇنىن كەيىنگە قالدىرا بەرگەن. سارينيا كولىك اپاتىنان كوز جۇمعان. ەشتەن كەش جاقسى دەپ شەشكەن شاديل سۇيگەن قىزىمەن ءولى كۇيىندە نەكەسىن قيۋعا بەل بايلايدى. ءتىپتى، جەرلەر الدىندا وعان اق كويلەك كيگىزىپ، قىزىنىڭ سۋىق ماڭدايىنان، ەرنىنەن سۇيگەن.
8 - ورىندا 27 جاستاعى جاپون جىگىتى مەن نيني انەگاساكيدىڭ نەكەسى. كومپيۋتەرلىك ويىندارعا ابدەن بەرىلگەن جىگىت «ماحاببات+» ويىنىنىڭ كەيىپكەرى نينيگە ۇيلەنگەن. كوپشىلىكتى تاڭ قالدىرعان بۇل تويدا كۇيەۋجىگىتتىڭ ءوزى ويىن كەيىپكەرىنە ۇيلەنگەنىن ەش ابەستىك كورمەيدى.
7 - ورىندا پيتەر، پول جانە ماريا تۇر. 2012 -جىلى ماريا بۋبزيكي كۇيەۋىمەن الدە كوڭىلدەسىمەن قالارىن شەشە الماي اقىرى ەكەۋىمەن دە بىرگە تۇراتىن بولىپ شەشكەن. كۇيەۋىنىڭ كەلىسىمىمەن كوڭىلدەسى ولاردىڭ ۇيىنە كوشىپ كەلگەن. ءسويتىپ، ولار ەكى قىزىمەن بىرگە بەسەۋى تۇرادى. ءارقايسىسى ءار بولمەدە جاتقانىمەن ماريا ەكى كۇيەۋىمەن دە جاقىن قاتىناستا بولعان. ەڭ قىزىعى، پيتەر مەن پول دوس بولىپ كەتكەن.
6 - ورىندا سافي ابدۋللە. بۇل جۇپتىڭ جاس ايىرماشىلىعى 95 جاس. 112 جاستاعى احمەت مۇحاممەد دور 2009 -جىلى 17 جاستاعى سافيگە ۇيلەنگەن. ول قىزدى التىنشى ايەلى ەتىپ الۋى ءۇشىن ونىڭ وسى جاسقا تولۋىن كۇتكەن. قىزدىڭ جاقىندارى ونىڭ الدىڭعى ايەلدەرىنەن 18 بالاسى بار كۇيەۋىمەن باقىتتى ءومىر ءسۇرىپ جاتقانىن ايتادى.
5-ورىندا بوريس پەن اننا كوزلوۆالار تۇر. ولار 2008 -جىلى اراعا 60 جىل سالىپ قايتا قوسىلعان. ەكەۋى اتا- اناسىنىڭ مازارىنا بارعان جەردە كەزدەيسوق كەزدەسىپ قالعان. تويدان كەيىن 3 كۇننەن سوڭ بوريس قىزىل اسكەر قاتارىنا الىنىپ، سوعىسقا اتتانىپ كەتكەن. سوعىستان قايتىپ كەلگەندە اننانى وتباسىمەن بىرگە سىبىرگە جەر اۋدارىپ جىبەرگەن ەكەن. ءسويتىپ ولار 60 جىل وتكەن سوڭ عانا بىرگە بولا العان.
4-ورىندا اننا حەنينگ سۋان مەن مارتين ۆاربيۋرەر بەيتس. 19 - عاسىردىڭ ورتاسىندا تانىسقان ولاردىڭ جالپى بويىنىڭ ۇزىندىعى 4,5 سانتيمەتردى قۇراعان كورىنەدى. اننانىڭ بويى كۇيەۋجىگىتتەن ۇزىنداۋ بولعان. مارتين 222 س م بولسا، اننانىڭ بويى 231 س م ەكەن. ولار تسيركتە بىرگە جۇمىس ىستەپ ءجۇرىپ، ءبىر- ءبىرىن ۇناتىپ قالعان. ءسويتىپ، 1871 -جىلى نەكەلەسكەن. ولاردىڭ نەكەسىن قيعان ادام ولاردىڭ قاسىندا كىشكەتاي ادامداي كورىنگەن. ءبىراق ونىڭ بويى 192 س م بولعان ەكەن.
3-ورىندا ەريكا مەن ەيفەل مۇناراسى. عاشىقتاردىڭ كوبى ەيفەل مۇناراسى الدىندا توي وتكىزىپ، سۋرەتكە ءتۇسۋدى قالايتىن بولسا، بۇرىن اسكەردە قىزمەت كەتكەن ەريكا ەيفەل مۇناراسىنىڭ وزىمەن نەكەلەسۋدى ءجون كورگەن. ونىڭ مۇناراسىنى جاقسى كورگەنى سونشالىق، 2008 -جىلى رەسمي قاتىناس جاساعان.
2-ورىندا اماندا رودجەرس پەن شيبا. 40 جاستاعى اجىراسقان اماندا 2014 ءيتى شيبامەن ۇيلەنىپ، توي جاساعان. ول بۇل ءىسىن ءيتىنىڭ قيىن كەزدە ونى ءتۇسىنىپ، قاسىندا بولعاندىعىمەن تۇسىندىرەدى.
1-ورىندا لۋي مەن لۋي. انىعىن ايتقاندا، ول ءوز- وزىنە ۇيلەنگەن. ونىڭ ءوزىن جاقسى كورگەنى سونشالىق، 2007 -جىلى ول وزىنە ءوزى ۇيلەنگەن. ءتىپتى، ءبىر سۋرەتىندە ونىڭ شالبارمەن، ءبىر سۋرەتىندە كويلەكپەن تۇرعانىن كورۋگە بولادى.
يستوچنيك: Stan.kz
