شۆەتسيا ناتو- عا كىرۋدەن باس تارتتى
«شۆەد قاۋىپسىزدىك ساياساتى وزگەرىسسىز قالادى، - دەلىنگەن قۇجاتتا. - اسكەري اليانستارعا قوسىلماۋ ەل ءۇشىن قولايلى جانە سولتۇستىك ەۋروپاداعى تۇراقتىلىق پەن قاۋىپسىزدىككە ۇلەس قوسادى. بۇل بەلسەندى، كەڭ جانە جاۋاپتى سىرتقى ساياساتتى جانە ۇلتتىق قورعانىس سەنىمدىلىگىن ارتتىرا وتىرىپ، قاۋىپسىزدىك ساياساتىن كوزدەيدى.
سونىمەن قاتار قۇجاتتا قازىرگى زامانعى بەيبىتشىلىك پەن قاۋىپسىزدىككە قاتەرلەر كورولدىكتەن شۆەتسيانىڭ جەكە ەلدەرمەن دە ، سونداي- اق حالىقارالىق ۇيىمدارمەن دە ىنتىماقتاستىعىن تالاپ ەتەدى، دەپ اتاپ وتىلگەن. «شۆەتسيا ەگەر ە و- نىڭ نەمەسە سولتۇستىك ەۋروپانىڭ باسقا ەلى شابۋىلعا نەمەسە اۋىرتپاشىلىققا ۇشىراسا بەيتاراپ قالادى، - دەلىنگەن قۇجاتتا. - ءبىز بۇل ەلدەر دە وسىنداي جاعداي شۆەتسيانىڭ باسىندا بولسا، وسىلاي ارەكەت ەتەدى، دەپ كۇتەمىز. سوندىقتان دا ءبىزدىڭ ەلىمىز قانداي جاعدايعا دا دايىن بولۋى ءتيىس». شۆەتسيانىڭ سىرتقى ساياسات دەكلاراتسياسىندا حالىقارالىق قاتىناستارداعى تۇراقتىلىقتى نىعايتۋدىڭ نەگىزگى قۇرالى رەتىندە ديالوگ اتالعان. «ديالوگ جانە سەنىمدى نىعايتۋ جونىندەگى شارالار تۇراقتىلىق پەن شەيەلەنىستى باسەڭدەتۋدىڭ ماڭىزدى قۇرالى بولۋى ءتيىس»، دەلىنگەن قۇجاتتا.
پارلامەنتتە سىرتقى ساياسات دەكلاراتسياسىن تانىستىرۋ كەزىندە كواليتسيالىق پارتيا مەن ورتالىق پارتياسىنىڭ دەپۋتاتتارى شۆەتسيانىڭ ناتو- عا قوسىلۋى ماسەلەسىنىڭ جابىلعانىنا كوڭىلدەرى تولمايتىنىن ءبىلدىردى. وعان «شيەلەنىس ءوسىپ وتىر جانە قاۋىپسىزدىك ساياساتىن شايقالتۋعا بولمايدى»، - دەپ جاۋاپ قايتاردى ۆالسترەم.
