كاسپي ماڭىنداعى مەملەكەتتەر تەڭىزدىڭ مۇنايمەن لاستانۋىنا قارسى بىرلەسىپ كۇرەسەتىن بولادى
قۇجاتقا ازەربايجان، يران، قازاقستان جانە رەسەيدىڭ ۋاكىلەتتى وكىلدەرى 2011 - جىلعى 12 - تامىزدا اقتاۋ قالاسىندا قول قويعان بولاتىن. حاتتامانىڭ ماقساتى - كاسپي ماڭى ەلدەرىنىڭ مۇنايدىڭ توگىلۋىنە بايلانىستى توسىن وقيعالارعا دەن قويۋعا ازىرلىگىن قامتاماسىز ەتۋ جونىندەگى جەكە نەمەسە بىرلەسكەن قاجەتتى شارالاردى قابىلداۋى بولىپ تابىلادى.
ەنەرگەتيكا ۆيتسە- ءمينيسترى اسەت ماعاۋوۆتىڭ ايتۋىنشا، زاڭ جوباسىنا سايكەس كاسپيي ماڭىنداعى مەملەكەتتەر تەڭىزدەگى مۇنايدىڭ توگىلۋىنە جانە باسقا دا وقيعالارعا بايلانىستى اقپاراتتارمەن الماساتىن بولادى. بۇدان بولەك، توتەنشە وقيعالار ورىن العاندا وعان دەن قويۋ ماقساتىندا وڭىرلىك جوسپارلار جاسالادى. سونىمەن قاتار، تەڭىز ماڭىنداعى ءاربىر مەملەكەت مۇمكىندىگىنشە ارنايى تەحنيكالاردىڭ ەڭ از سانىمەن قامتاماسىز ەتىلۋگە مىندەتتى بولدى. سونداي- اق، ەگەر باسقا تاراپتار سۇراۋ سالعاندا ونداي تەحنيكالاردى ۇسىنۋ جانە مۇناي توگىلۋمەن بايلانىستى توتەنشە جاعدايلاردى جويۋعا كاسپيي ماڭى مەملەكەتتەرىنىڭ بارلىق ۇجىمدىق كۇشىن پايدالانۋ مۇمكىندىگى قاراستىرىلادى.
تۇتاستاي العاندا، حاتتامانى راتيفيكاتسيالاۋ كاسپي تەڭىزى مۇنايمەن لاستانعان جاعدايدا وڭىرلىك شارالاردىڭ ىسكە اسىرىلۋىن قامتاماسىز ەتۋگە مۇمكىندىك بەرەدى.
زاڭ جوباسى پالاتانىڭ قاراۋىنا جىبەرىلدى.
اۆتور: قانات مامەتقازى ۇلى
