مانچەستەردە الەمدىك بوكستى دامىتۋ ماسەلەلەرى تالقىلانادى - فوتو
كەشە وتكەن سپورتشىلار جانە جاستار ىستەرى بويىنشا كوميسسيا وتىرىسىندا الەمدىك بوكستىڭ الداعى دامۋى ماسەلەلەرى تالقىلاندى.
«بۇگىن ا ي ب ا- دا بىزدەگى سپورت تۇرلەرىن كەڭىنەن تاراتۋعا بايلانىستى كوپتەگەن جوبالاردى العا جىلجىتىپ جاتىر. بوكس ءوزىنىڭ كورەرمەندەرىن جوعالقان كەزدەر دە بولدى. بۇل رەتتە ا ي ب ا سپورت قاۋىمداستىعىندا بوكستى جەتەكشى ورىنعا شىعارۋعا ءتۇرلى شارالاردى قولعا الدى.
وسىعان بايلانىستى سپورتشىلاردى شلەمسىز جۇدىرىقتاسۋىنا ماجبۇرلەدى. بۇل جاتتىعۋ ۇدەرىسىنە تاكتيكالىق- تەحنيكالىق ارسەنالدى قايتارۋعا مۇمكىندىك بەردى.
ايتا كەتۋ كەرەك، بۇل قازاقستان بوكس فەدەراتسياسىنىڭ ۇسىنىسى بولدى. قازىر سوڭعى ءۇش جىلدا ەرەسەكتەر اراسىنداعى بوكس شلەمسىز وتەدى. قازىر بوكسشىلاردىڭ الداعى ريو- دە- جانەيروداعى وليمپياداعا قاتىسۋى: شارشى الاڭعا شلەممەن نەمەسە شلەمسىز شىعۋىنا بايلانىستى حالىقارالىق وليمپيادا كوميتەتىنىڭ (ح و ك) شەشىمىن كۇتىپ وتىرمىز»، - دەپ اتاپ ءوتتى كوميسسيا ءتوراعاسى، حالىقارالىق بوكس ۇيىمىنىڭ ۆيتسە- پرەزيدەنتى سەرىك قوناقبايەۆ.
سونداي- اق كوميسسيا وتىرىسىندا ەرەسەك بوكسشىلار ءۇشىن جاس دەڭگەيىن تومەندەتۋ ۇسىنىلدى. قازىر سپورتشىلار ەرەسەكتەر كومانداسىندا 19 جاستان ونەر كورسەتە باستايدى. ا ي ب ا ەرەسەكتەردىڭ سپورتتىق كارەراسىن 18 جاستان باستاۋدى ۇسىندى، دەپ حابارلادى ازيالىق بوكس كونفەدەراتسياسىندا.
«مەنىڭشە، بۇل ءتيىمدى ۇسىنىس. كەڭەس وداعى كەزىندە دە ەرەسەكتەر اراسىنداعى سىندارعا 18 جاستان قاتىسا باستادىق»، - دەدى ازيالىق بوكس كونفەدەراتسياسىنىڭ پرەزيدەنتى سەرىك قوناقبايەۆ.
كوميسسيانىڭ تالقىلاۋىنا كاسىبي بوكسشىلاردىڭ وليمپيادا ويىندارىنا قاتىسۋ مۇمكىندىگى تۋرالى ماسەلەلەر ەنگىزىلدى.
«اتالعان ماسەلەنى جان- جاقتى زەرتتەۋ كەرەك. ويتكەنى ول كوپتەگەن اسپەكتىنى قامتيدى. سونىڭ ىشىندە جاتتىعۋ ۇدەرىسىن ۇيىمداستىرۋ بار. مەنىڭشە، بۇل ۇتىمدى»، - دەدى سەرىك قوناقبايەۆ.
