استانادا جول ءجۇرۋ اقىسىن تولەۋدىڭ ەلەكتروندى جۇيەسى ەنگىزىلەدى

«ەلوردانىڭ 6 كوشەسىندە «Bus Lanە» جوباسى ەنگىزىلگەن سوڭ، وڭ وزگەرىستەر ورىن الدى. اۆتوبۋستاردىڭ ورتاشا جىلدامدىعى 12-15 پايىزعا ارتتى. جىل سوڭىنا دەيىن 8 كوشەدە قوسىمشا جولاقتار ءبولۋ جوسپارلانعان» ، - دەدى قالا اكىمى.

قالا باسشىلىعى جولدارداعى كەپتەلىستەر جاس قالالار ءۇشىن ادەتتەگى ماسەلە بولىپ تابىلاتىنىن، سونداي- اق، بۇل ماسەلە كەشەندى تۇردە شەشىلەتىن اتاپ ءوتتى.

مۇنىمەن قوسا، ءا. جاقسىبەكوۆ قوعامدىق كولىك سەرۆيسى ءۇشىن جۇرگىزۋشىلەر مەن كوندۋكتورلاردىڭ كاسىپقويلىعى اسا ماڭىزدى بولىپ تابىلاتىنىن ايتا كەلە، قالادا كاسىبي جۇرگىزۋشىلەردىڭ جەتىسپەيتىنىن جەتكىزدى.

2015 -جىلى كولىك ماماندارىنىڭ بىلىكتىلىك ورتالىعىندا جۇرگىزۋشىلەردىڭ جالپى سانىنىڭ ۇشتەن ءبىرى عانا بىلىكتىلىكتى ارتتىرۋدىڭ ءبىرىنشى دەڭگەيىنەن ءوتتى. جولاۋشىلار كولىگى سالاسىنداعى بىلىكتى جۇمىسكەرلەر سانىن ارتتىرۋ بويىنشا جۇمىستار جالعاسادى.

مامىر ايىندا ەلوردا جول ءجۇرۋ اقىسىن تولەۋدىڭ ەلەكتروندى جۇيەسىنە كوشەدى.

«بۇل تاسىمالداۋدى ۇيىمداستىرۋ ساپاسىنا وڭ ىقپالىن تيگىزەدى. اۆتوبۋس پاركى 65 پايىزعا جاڭارتىلدى، بۇل رەتتە جاڭا اۆتوبۋستار اقپاراتتاندىرۋ، اۋا باپتاۋ، جىلىتۋ، بەينەباقىلاۋ جۇيەلەرىمەن، سونداي- اق، مۇمكىندىگى شەكتەۋلى جاندارعا جانە بالالارعا ارنالعان اربالارمەن جۇرەتىن اتا- انالار ءۇشىن پاندۋستارمەن جابدىقتالعان» ، - دەدى اكىم.

 اكىمدىك مالىمەتىنە قاراعاندا، 2015 -جىلى 27 جابىق ايالداما پاۆيلونى ورناتىلدى، بيىل وسىنداي 55 ايالداما ورناتىلادى. جازدا «جىلى» ايالدامالاردا قالا تۇرعىندارىنا ىڭعايلى بولۋى ءۇشىن، كەرىسىنشە، اۋاباپتاعىشتار جۇمىس ىستەيتىن بولادى.

 اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى