پۋتيننىڭ جارلىعىنان سوڭ، قازاقستانعا ۋكراينادان تاۋار اكەلۋ قيىنداپ كەتتى

بۇل تۋرالى كاسىپكەرلەرگە اتىراۋ وبلىستىق مەملەكەتتىك كىرىستەر دەپارتامەنتىنىڭ كەدەندىك باقىلاۋ باسقارماسىنىڭ باسشىسى اسقار سارسەكەنوۆ ەسكەرتتى دەپ جازادى «اق جايىق».

رەسەيدە رەسەي اۋماعىنا ۋكراينادان اكەلىنەتىن تاۋارلاردى اكەلۋگە تىيىم سالىناتىن ۆلاديمير پۋتيننىڭ جارلىعى كۇشىنە ەندى. ەندى ۋكراينادان قازاقستانعا يمپورتتالاتىن تاۋارلار بەلارۋس-رەسەي شەكاراسىنا بەس پۋنكت ارقىلى اكەلىنۋى ءتيىس.

ءارى قاراي رەسەي اۋماعى ارقىلى بۇل جۇكتەردى مىندەتتى تۇردە الىپ ءجۇرۋى ءتيىس. مۇندا 100 شاقىرىم جول ءۇشىن تولەماقى شامامەن ءۇش مىڭ رەسەي رۋبلىن قۇرايدى. بۇل شىعىنداردى ساتىپ الۋشى تاراپ ءوز موينىنا الۋى ءتيىس.

«ۋكراينادان اكەلىنەتىن تاۋارلاردى كەدەندىك تەكسەرۋ ءۇشىن قازاقستاندىق تاراپتان ءۇش وتكىزۋ قوسىنى بەلگىلەنگەن: باتىس قازاقستان وبلىسىنداعى «سىرىم» كولىك پۋنكتى، قوستاناي وبلىسىنداعى «قايراق» كولىك پۋنكتى جانە تەمىرجول - ورالداعى «جايىق» ستانتسياسى»، - دەيدى سارسەكەنوۆ.

بۇگىنگى كۇنى قازاقستان مەن ۋكراينا اراسىندا كولىك جانە تەمىرجول كولىكتەرى ارقىلى جەتكىزىلەتىن تاۋارلارعا ارنالعان باسقا باعىتتاردى پايدالانۋ ماسەلەسى جاساقتالۋدا. اتاپ ايتقاندا، «ۋكراينا - گرۋزيا - ءازىربايجان - قازاقستان» باعىتى. تەمىرجول تاسىمالى ارقىلى تاريفتەردى تومەندەتۋ مۇمكىندىگى تالقىلانۋدا.

ۋكراينادان قازاقستانعا نەگىزىنەن ونەركاسىپتىك جابدىقتار، تۇربالار مەن كابەلدەر اكەلىنەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى