استانا مەن الماتى اۋەجايلارىندا ەلەكتروندىق وتىرعىزۋ تالونى ەنگىزىلەدى
قازىرگى ۋاقىتتا ق ر ي د م ازاماتتىق اۆياتسيا كوميتەتى ەلەكتروندىق وتىرعىزۋ تالونىن ەنگىزۋ ءۇشىن جولاۋشىلاردى اۋە كولىگىمەن تاسىمالداۋ سالاسىنداعى نورماتيۆتى-قۇقىقتىق اكتىلەرگە وزگەرىستەر ەنگىزۋ بويىنشا باستاما كوتەردى، دەپ حابارلايدى ۆەدومستۆونىڭ باسپا ءسوز قىزمەتىنەن.
وسى جانە باسقا دا ماسەلەلەر كوميتەت ءتوراعاسىنىڭ مىندەتىن اتقارۋشى تالعات لاستايەۆتىڭ اۋە كولىگى حالىقارالىق قاۋىمداستىعىنىڭ قازاقستان رەسپۋبليكاسىنداعى فيليالى جانە «AirAstana» اۋەكومپانياسى وكىلدەرىمەن كەزدەسۋدە تالقىلاندى.
اتالعان ءادىس قاجەتتى اۆياتسيالىق قاۋىپسىزدىك دەڭگەيىن ساقتاۋعا، ينتەرنەت ارقىلى تىركەلىپ، ءبىراق رەيسكە كەلمەي قالعان جولاۋشىلاردى انىقتاۋعا مۇمكىندىك بەرەدى. بۇل ءوز كەزەگىندە رەيستەردىڭ جولاۋشىلاردى كۇتىپ، كەشىگۋ جاعدايلارىن ازايتادى.
