كۇنى بويى كولىكتە جۇرەتىندەر دۇرىس تاماقتانۋى قاجەت - ماماندار

«اۋرۋ استان...» دەگەندەي، مۇنىڭ كوبى دۇرىس تاماقتانباعاننان بولادى.

كۇنى بويى كولىكتە جۇرەتىن جاندار، بۇيىرعان تاماقتى جەۋگە ءماجبۇر. مۇندايدا، فاستفۋد ونىمدەرى تەز تابىلا كەتەدى. ال، ءاربىر جۇرگىزۋشىنىڭ كولىگىنەن گازدالعان سۋسىننىڭ ىدىسى تابىلاتىنى قۇپيا ەمەس. بۇل بىلىنبەي كەلىپ ءبىزدىڭ دەنساۋلىعىمىزدى قۇرتىپ جاتقانى مامانداردى قاتتى الاڭداتىپ وتىر.

ديەتولوگتار، بۇعان بەيجاي قاراماي، دۇرىس تاماقتانۋدى دەرەۋ قولعا الۋ قاجەتتىگىن ايتادى. اسىرەسە، ۇيدەن تاڭعى استى ءىشىپ شىعۋ قاجەت. ال جولعا 1,5 ليتر گازدالماعان سۋ الىپ شىعۋ كەرەك.

ەگەر تاڭعى اس ىشۋگە ۇلگەرمەسەڭىز، وندا ءبىر بوتەلكە يوگۋرت پەن ازعانتاي جەمىس جيدەك جانە بولكە الىپ شىعىڭىز. كولىكتە تۇزدالماعان كرەكەر نەمەسە نان بولىكتەرىن الىپ شىعۋعا بولادى. ال سۋ مىندەتتى تۇردە، اسىرەسە جازدا، ءسىزدىڭ قاسىڭىزدا بولۋى ءتيىس. ويتكەنى، ءشول باستى اۋىرتىپ قانا قويماي، قىراعىلىقتى تومەندەتەدى.

ەگەر كولىكپەن ۇزاق ساپارعا شىعار بولساڭىز، وزىڭىزبەن بىرگە الىپ شىعاتىن تاعامداردىڭ ءتىزىمىن جاساڭىز. سونداي-اق، قاجەتتى ءدارى-دارمەكتى، اسىرەسە، ءىشتىڭ ءوتۋىن توقتاتاتىن ءدارىنى ۇمىتپاڭىز.

تاعامداردىڭ بۇزىلىپ كەتۋىنە جول بەرمەيتىن توڭازىتقىش-سومكە ساتىپ الاڭىز.

دارىگەرلەر جولدا تۇزدى تاعامدار جەۋگە كەڭەس بەرمەيدى. مىسالى، چيپس، تۇزدى جاڭعاق جانە ت. ب تۇزدى ونىمدەردەن باس تارتىڭىز.

جولدا ارنايى ۋاقىت ءبولىپ، دەنە جاتتىعۋلارىن جاساپ تۇرعان ءجون.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى