قازاقستان كورابلدەرى فرانسۋز زىمىراندارىمەن جابدىقتالۋى ىقتيمال
ساپار بارىسىندا «زەنيت» زاۋىتىندا بولىپ، قازاقستاندىق كاسىپورىنداردىڭ مۇمكىندىكتەرىن قاراستىردى، دەپ حابارلايدى ق ر ق م باسپا ءسوز قىزمەتى.
«اسكەري- تەڭىز كۇشتەرى جالپى العاندا، قازاقستاننىڭ قورعانىس- ونەركاسىبى كەشەنىنە ەرەكشە كوڭىل بولەدى. جاڭا قارۋ- جاراقتى جەتكىزۋ مەن ساتىپ الۋ نەمەسە ەسكىنى جاڭعىرتۋ تۋرالى ءسوز بولعاندا وندا ءبىرىنشى كەزەكتە ءبىز قازاقستاندىق كاسىپورىندارىمىزدىڭ مۇمكىندىكتەرىن قاراستىرامىز»، - دەدى ول.
سوڭعى جىلدارى قازاقستاندىق كاسىپورىندارمەن جۇمىس جاساۋ تاجىريبەسى ولارعا كۇردەلى جۇمىس قيىندىق تۋعىزبايتىنىن كورسەتتى. ورالعا بارۋىمداعى باستى مىندەتتەرىمنىڭ ءبىرى ول كاسىپورىندارىمىزدىڭ ءارى قارايعى مۇمكىندىكتەرىن قاراستىرۋ بولىپ تابىلادى. ق ر ق ك ءا ت ك باسشىلىعى «زەنيت» ورالدىق زاۋىتى، MBDA كومپانياسى جانە ق ر ق ك ءا ت ك باس قولباسشىسى باسشىلىعىنىڭ وكىلدەرىمەن ءۇش جاقتى كەزدەسۋدى وتكىزدى.
«5 جىلدان اسا قىزمەت اتقارعان، ياعني، وتاندىق كاسىپورىندا سالىنعان كورابلدەرىمىزدىڭ جاڭارتۋ، سونداي- اق ءارى قاراي جاڭعىرتۋ مۇمكىندىكتەرى جانە اناعۇرلىم زاماناۋي قارۋ- جاراق ءتۇرىن ورناتۋ ماسەلەسى قارالدى. ءبىز ەكى نەگىزگى ماسەلەنى تالقىلادىق. ءبىرىنشى - فرانسۋز ءوندىرىسىنىڭ كورابلگە قارسى زىمىرانىمەن كورابلىمىزدى جاڭعىرتۋ مۇمكىندىگى. ەكىنشى - وتاندىق كاسىپورىندا فرانسۋز كومپانياسىنىڭ تەحنولوگياسىن قولدانا وتىرىپ، جاعالىق زىمىران كەشەندەرىن قۇرۋ مۇمكىندىگى»، - دەپ اتاپ ءوتتى ق ر ق ك ءا ت ك باس قولباسشىسى.
MBDA فرانسۋز كومپانياسى كورابلگە قارسى زىمىرانداردى شىعارۋدا الەمدىك كوشباسشى بولىپ تابىلادى. الەم ەلدەرىنىڭ 40-50 پايىزى وسى كومپانيامەن شىعارعان كورابلگە قارسى زىمىراندارمەن جابدىقتالعان زاماناۋي كورابلدەرى بار.
