عالىمدار: كولىك جۇرگىزۋ قارتتاردىڭ دەنساۋلىعىنا وڭ اسەر ەتەدى
كولىك تىزگىندەگەن قاريالاردىڭ اقىل-ويى ءبۇتىن بولىپ، ەستە ساقتاۋ جانە تۇيسىك قابىلەتتەرىندە جاستىڭ ۇلعايۋىنا بايلانىستى بولاتىن كەرى وزگەرىستەر بارىسى باياۋلايدى ەكەن.
عالىمدار جۇرگىزگەن تاجىريبەگە جاسى 55 تەن اسقان جۇزگە جۋىق جۇرگىزۋشى قاتىسقان. مەديتسينالىق تەكسەرۋدەن كەيىن ولاردىڭ اراسىندا كۇيزەلىسكە ۇشىراۋ جاعدايلارى مەن جۇيكە جۇيەسى اۋرۋلارىنىڭ وتە سيرەك كەزدەسەتىندىگى انىقتالدى.
جۇرگىزۋشى قارتتار شۇعىل شەشىمدى دەر كەزىندە قابىلداپ، ماڭىزدى ۇساق-تۇيەكتى نازاردان تىس قالدىرمايتىن بولىپ شىقتى. زەرتتەۋشىلەردىڭ ايتۋىنشا، بۇل كولىك ايداۋ كەزىندە ميدىڭ تۇسىنىك ءۇشىن جاۋاپ بەرەتىن بولىكتەرى جۇمىسىنىڭ ارتۋى ارقاسىندا بولادى، دەپ جازادى planet-today.ru.
