دەنساۋلىق: ءبي سەمىزدىكتەن قۇتىلۋعا كومەكتەسەدى
ءتۇرلى ديەتالار قولدانىپ، «اشتىق» تا جاريالايدى، ءتۇرلى قوسپالاردى ءىشىپ، «باد» پايدالانادى، وعان ءتۇرلى دارىلەردى دە قوسىڭىز.
الايدا، كوپتەن كۇتكەن ناتيجەگە قول جەتپەي دە جاتادى. مۇنداي كەزدە نە ىستەۋ كەرەك؟ مۇنىڭ ەڭ نەگىزگى جولى - ۇنەمى فيزيكالىق جاتتىعۋ جاساۋ، دەپ جازادى confederation.kz.
بۇل قىزدار قاۋىمىنا ۇناماۋى مۇمكىن. ءبىراق، سپورت قيىن بولسا دا - تىعىرىقتان شىعاتىن بىردەن ءبىر جول. ارىقتاۋ ءۇشىن سپورتپەن اينالىسىپ، جاتتىعۋ زالىندا بىرنەشە ساعات تەرلەۋدىڭ دە قاجەتى جوق. ودان بولەك فيزيكالىق جاتتىعۋلار بار: فيتنەس، پيلاتەس، يوگا، اكۆااەروبيكا جانە باسقالارى. ءبىراق جاتتىعۋعا مۇلدە بارعىڭىز كەلمەسە نە ىستەۋ كەرەك؟ وندا ءبىر جول بار. ول - ءبي.
ءبيدى قالاي بيلەگەنىڭىز ماڭىزدى ەمەس. كوڭىلدى كەشتەردە مە، الدە ارنايى كۋرستارعا باراسىز با، الدە جۇبايىڭىزبەن زالدا ۆالس بيلەيسىز بە؟! باستىسى، بۇل جاتتىعۋلاردى جۇيەلى ورىنداپ، اپتاسىندا ءبىر ساعاتتان بىرنەشە رەت بيلەپ تۇرۋ كەرەك.
سەنىڭىز، بۇل تالاپتى ورىنداۋ وتە وڭاي، ويتكەنى، ءبي تىنىشتاندىرىپ، قاناتتاندىرادى، شارشاعانىڭىزدى باسىپ، قۋانىش سىيلايدى. ونىڭ ۇستىنە، سالماقتىڭ ازاياتىنىن، جۇرەك قان اينالىمىنىڭ جاقساراتىنىن قوسىپ قويىڭىز.
ايتپاقشى، ءبيدىڭ كومەگىمەن سىمباتىڭىزدى قالىپقا كەلتىرۋگە دە ۇلكەن مۇمكىندىك بار. بيلەڭىز، ارىقتاڭىز، جامان ويدان ارىلىڭىز جانە سىمباتىڭىز ۇنەمى سۇلۋ بولسىن!
