قازاقستاندا جاۋىنگەرلىك جاعدايعا جاقىنداتىلعان «ايبالتا» وقۋ-جاتتىعۋى باستالدى - فوتو
ول داعدارىستىق احۋالداردى وقشاۋلاۋ كەزىندە اسكەرلەردىڭ ءىس-قيمىلدارى ماسەلەلەرىن پىسىقتاۋعا باعىتتالعان.
قورعانىس مينيسترلىگىنىڭ باسپا ءسوز قىزمەتىنىڭ حابارلاۋىنشا، وقۋ-جاتتىعۋ العاش رەت جاۋىنگەرلىككە جاقىنداتىلعان جاعدايلاردا قىستا وتكىزىلۋدە. بۇل وقۋ-جاتتىعۋدىڭ ەرەكشەلىكتەرى ۇلكەن قاشىقتىقتارعا قايتا توپتاسۋى جانە جەدەل اۋەايلاقتارعا مايداندىق اۆياتسيانىڭ كوشىرىلۋىنەن كەيىنگى اسكەرلەردىڭ ءىس-قيمىلدارى، كۇردەلى قىسقى جاعدايداعى ءىس-قيمىلدار بولدى.
«وقۋ-جاتتىعۋعا «استانا» وڭىرلىك قولباسشىلىعى، اەروۇتقىر اسكەرلەرى، «شىعىس» وڭىرلىك قولباسشىلىعى قاتىسۋدا». سونداي-اق وعان شەكارا اسكەرلەرى، ۇلتتىق ۇلان مەن اۋە قورعانىسى كۇشتەرى تارتىلدى. ءبىز وقۋ-جاتتىعۋدى تومەن تەمپەراتۋرادا، قىستا جانە اسكەرلەر ءۇشىن بەيتانىس جەردە وتكىزدىك.
سوندىقتان ءبىز كومانديرلەردىڭ بۇل جەردى بىلمەيتىندەي ەتىپ تاڭدادىق. ءبىرقاتار جەكەلەگەن باتالوندار وڭتۇستىكتەن مەركى، ارىستان، ءبىرقاتار باتالون، ديۆيزيون باتىستان كەلدى. ولار قازىر كەلىپ جاتىر، تيەلىپ بىتەدى جانە بەلگىلەنگەن اۋداندارعا شىعادى. نەگىزى ماقسات - كۇردەلى جاعدايلاردا جۇمىس جاساۋ ءۇشىن شتابتاردى، اسكەرلەردى دايارلاۋ، سونداي-اق جاۋىنگەرلىككە جاقىنداتىلعان، قىسقى تەمپەراتۋرادا اسكەري وپەراتسيالاردى جوسپارلاۋعا ۇيرەتۋ»، - دەيدى ق ر ق ك قۇرلىق اسكەرلەرىنىڭ باس قولباسشىسى گەنەرال-لەيتەنانت مۇرات مايكەيەۆ.
وقۋ-جاتتىعۋ اقپاننىڭ 22 ءى مەن 26 ى ارالىعىندا ۇدايى ورنالاسۋ پۋنكتتەرىندە، قوزعالۋ باعدارلامالارى مەن «شىعىس»، «سارى وزەك» جانە «سپاسسك» پوليگوندارىندا وتەدى. بارلىعى وقۋ-جاتتىعۋعا 5 مىڭعا جۋىق ادام، 1500 دەن اسا قارۋ-جاراق پەن اسكەري تەحنيكا جانە شامامەن 30 اۆياتسيالىق تەحنيكا تارتىلادى.
«بۇگىن ءبولىمدى جاۋىنگەرلىك ازىرلىكتىڭ جوعارى دارەجەسىنە كەلتىرۋ جونىندەگى ءىس-شارالار وتكىزىلدى. ءبىز كورسەتىلگەن اۋدانعا مارش جاساۋعا وقۋ-جاۋىنگەرلىك تاپسىرما الدىق. وندا جاۋىنگەرلىككە جاقىنداتىلعان جاعدايلاردا ءبولىم شتابىمەن جاۋىنگەرلىك ءىس-قيمىلداردى جوسپارلاۋ جۇرگىزىلەدى، ال بولىمشەلەردىڭ جەكە قۇرامى وقۋ-جاتتىعۋ بويىنشا شارتتى قارسىلاستى ءىس جۇزىندە جويۋ جونىندەگى تاپسىرمالاردى ورىندايدى. 177 ادام جانە 52 بىرلىك تەحنيكا تارتىلادى. وقۋ-جاتتىعۋداعى ارتيللەرياشىلاردىڭ مىندەتى شارتتى قارسىلاستى اتىسپەن قولداۋ، جالپى اسكەري بولىمشەلەر مەن بولىمدەردى قولداۋ»، - دەپ 28738 اسكەري ءبولىمىنىڭ كومانديرى پودپولكوۆنيك جانات راسقۇلوۆ اتاپ ءوتتى.
وسى اپتادا وقۋ-جاتتىعۋدىڭ نەگىزگى كەزەڭدەرى وتەتىنىن ايتا كەتەيىك. وندا اسكەري قىزمەتشىلەر اسكەرلەردىڭ دالالىق ماشىعىن، كۇردەلى قىسقى جاعدايدا ءىس-قيمىل جاساۋ كەزىندە جەكە قۇرامنىڭ مورالدىق-پسيحولوگيالىق تۇراقتىلىعى مەن فيزيكالىق تۇرعىداعى توزىمدىلىگىن ارتتىرادى.
