اسكەري تەحنيكانى جوندەيتىن قازاقستاندىق زاۋىت حالىقارالىق نارىققا شىعۋدا

وتاندىق كاسىپورىننىڭ بۇل باعىتتاعى جوسپارىنا ت-72 تانكتەرى، ج ءا ج م-1 جاياۋ اسكەردىڭ جاۋىنگەرلىك ماشينالارى مەن ستاندارتتى جانە جاڭعىرتىلعان ب ت ر-70 برونەترانسپورتەرلارى كىرەدى.

زاۋىتتىڭ حالىقارالىق نارىققا شىعۋى دامۋدىڭ جاڭا مۇمكىندىكتەرىن اشادى. سونىمەن بىرگە كاسىپورىن ق ر قارۋلى كۇشتەرى ءۇشىن جاڭا تاپسىرىستى ىسكە اسىرۋعا ءازىر. بۇگىنگى كۇنى مۇلىك جەتكىزۋشىلەرمەن كەلىسسوزدەر وتكىزىلدى جانە رەسەيلىك «ورالۆاگونزاۋىت» ۇ و ك جانە ۋكراينالىق «ۋكرارنايى ەكسپورت» ا ا ق- پەن كەلىسىمشارت جاسالدى، سونداي-اق «140- جوندەۋ زاۋىتى ا ق- پەن (بەلورۋس) جانە «قازيمپەكس» ج ش س- مەن شارت جاساسۋ بويىنشا كەلىسسوزدەر وتكىزىلۋدە.

جاقىن ارادا 2016-جىلعا ارنالعان ق ر ق ك مەملەكەتتىك قورعانىس تاپسىرىسى شەڭبەرىندە كاسىپورىنمەن الداعى وندىرىستىك جانە تەحنولوگيالىق پروتسەستى يگەرۋ جانە وندىرىستىك جوسپاردى ناقتىلاۋ جونىندە جۇمىس جۇرگىزىلەدى.

بۇگىندە «سەمەي ينجينيرينگ» «قازاقستان ينجينيرينگ» ا ق- تىڭ ەنشىلەس كاسىپورنى بروندى تانكتى تەحنيكانى كۇردەلى جوندەۋدەن وتكىزەتىن جانە كونۆەرسيالىق تەحنيكانى دايىندايتىن قازاقستانداعى بىردەن-ءبىر زاۋىت بولىپ تابىلاتىنىن ايتا كەتكەن ءجون. ونىڭ قىزمەتىنىڭ نەگىزگى تۇرلەرى جاياۋ اسكەردىڭ جاۋىنگەرلىك ماشينالارىن، برونەترانسپورتەرلاردى كۇردەلى، ورتاشا جانە رەگلامەنتتىك جوندەۋ، تانكتەردى، جاۋىنگەرلىك بارلاۋ-دەسانتتىق ماشينانى، شاعىن جەڭىل قۇرىشتالعان تارتقىشتى جوندەۋ بولىپ تابىلادى. كاسىپورىن سونىمەن قاتار ت-72 تانكتەرىن جاڭعىرتۋ، اسكەري جانە اسكەري-ينجەنەرلىك تەحنيكانىڭ بازاسىندا كونۆەرسيالىق تەحنيكانى كۇردەلى جوندەۋ جانە دايىنداۋمەن اينالىسادى.

بۇگىنگى كۇنى زاۋىتتا 600 دەي ادام جۇمىس جاسايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى