نازاربايەۆ يادرودان باس تارتقاننان كەيىن شەتەلدىكتەر اراسىندا تانىمال بولا باستاعان
«مەن قازاقستاندىقتارعا العىسىم شەكسىز، ولار ءبىزدى قۇرمەتتەيدى. بازارعا بارساڭ دا، سپورت زالعا بارساڭ دا مەيىرىممەن قارسى الادى. مۇندا ەشتەڭەگە الاڭداماي ءومىر سۇرۋگە بولادى»، - دەيدى ول.
نەيتان امەريكادا تۇراتىن دوستارىنىڭ «ستان» تىركەسى ارقىسى قازاقستاندى كوبىنە اۋعانستانمەن شاتاستىراتىنىن ايتادى.
«امەريكاداعى دوستارىممەن الەۋمەتتىك جەلى ارقىلى سويلەسىپ تۇرامىن. ولار قازاقستان تۋرالى كوپ سۇراقتار قويادى. ولار «ستان» سوزىمەن قازاقستان تۋرالى كەرى تۇسىنەدى. قازاقستان اۋعانستان سياقتى ەمەس دەپ تۇسىندىرەمىن. ولار سوندا دا «ستان» تۋرالى كوپ سۇرايدى»، - دەيدى امەريكالىق ازامات.
سونداي-اق نەيتان قازىرگى تاڭدا ءوزىنىڭ ورىس ءتىلىن ۇيرەنىپ جاتقاندىعىن ايتتى.
«قازاق ەلى كوپ ۇلتتى مەملەكەت. ءبىز قازاقستاندا تۇرعاندىقتان ءۇش ءتىلدى ءبىلۋ كەرەكتىگىن ەلباسىنىڭ ءوزى ايتتى. مەن قازىر ورىسشا ۇيرەنىپ جاتىرمىن. شەتەلدىكتەر ءۇشىن قازاقستان پرەزيدەنتىنىڭ ەرەكشەلىگى يادرودان باس تارتۋىمەن تانىمال بولدى. ەگەمەندىگىن العان كەزدە يادرودان باس تارتۋىن الەم جاقسى قابىلدادى دەپ ويلايمىن. سونشاما يادرولىق قارۋ ۇستاپ، ودان باس تارتقاندارى ءبىز ءۇشىن ۇلكەن جاڭالىق بولدى، باعاسىن جوعارىلاتتى»، - دەيدى نەيتان لولەر.
لولەر نازاربايەۆ مەكتەبىندەگى باعدارلامالار قاراپايىم مەكتەپتەردە قولداناتىن بولسا، ءبىلىم ساپاسى جاقسارادى دەگەن ويدا.
«نازاربايەۆ مەكتەبىندە جۇمىس ىستەيمىن. مۇنداعى وقۋشىلار وتە ساۋاتتى. ولار تەك قازاقستاننىڭ عانا ەمەس، الەمنىڭ كوشباسشىلارى بولا الادى. ءبىزدىڭ مەكتەپتە تاجىريبەگە سۇيەنىپ ۇيرەتەتىن كوپتەگەن جاڭا ادىستەر قولدانىلادى. وسى باعدارلامالاردى باسقا مەكتەپتەردە دە جۇرگىزسە جاقسى بولار ەدى. ءبىزدىڭ ەلباسىمىزدىڭ ساياساتى بويىنشا، ءبىلىم الۋ زاماناۋي ۇلگىدە ءجۇرىپ جاتىر. باسقا مەكتەپتەرگە كومەك بەرگىمىز كەلەدى»، - دەيدى نەيتان لولەر.
سونىمەن قاتار، لولەر قازاق قىزدارىنىڭ سۇلۋلىعىنا ءتانتى ەكەندىگىن دە جاسىرعان جوق.
«قازاقستاندىق قىزدار وتە ادەمى. امەريكاندىقتان ايىرماشىلىعى بار. قازاق قىزدارى وتە جاقسى كيىنەدى. امەريكاندىق قىزدار ۇيدەن شىققاندا دجينسي شالبار مەن فۋتبولكا كيىپ جۇرە بەرەدى. قازاقستاندىق قىزدار قۇندىز تون، جاقسى اياق كيىم، جاقسى شاش ۇلگىسىمەن جۇرەدى. ولار وزدەرىن تازا ۇستايدى، ادەمى كيىنەدى»، - دەيدى ول.
