ق ر مەملەكەتتىك حاتشىسى جاپونيا ەلشىسىنە ەكى ەل اراسىنداعى دوستىقتى نىعايتۋعا قوسقان ۇلەسى ءۇشىن ريزاشىلىعىن ءبىلدىردى
بۇل تۋرالى اقوردانىڭ باسپا ءسوز قىزمەتىنەن حابارلادى.
تاراپتار ەكىجاقتى ساۋدا- ەكونوميكالىق ىنتىماقتاستىقتىڭ قازىرگى دامۋ قارقىنىنا قاناعاتتانۋشىلىق ءبىلدىردى.
وتكەن 10 -جىل ىشىندە ءبىزدىڭ ەكونوميكامىزعا سالىنعان جاپون ينۆەستيتسياسىنىڭ مولشەرى 4,5 ميلليارد دوللاردان استى. 2015 -جىلى قازاقستان مەن جاپونيا اراسىنداعى تاۋار اينالىمى 1,4 ميلليارد دوللار بولدى (ەكسپورت - 858,6 ميلليون، يمپورت - 584,7 ميلليون دوللار). 2014 -جىلى قوستانايدا «تويوتا» ماركالى ماشينا قۇراستىرۋ زاۋىتى ىسكە قوسىلدى. قازاقستاندا 50-گە جۋىق بىرلەسكەن كاسىپورىن تىركەلگەن، 700 ميلليون دوللاردان اساتىن بىرلەسكەن 6 جوبا جۇزەگە اسىرىلعان. قۇنى 700 ميلليون تەڭگە بولاتىن تاعى 10 جوبا ناقتىلانۋدا.
مەملەكەتتىك حاتشى قازاقستان مەن جاپونيا يادرولىق قارۋسىزدانۋ جانە تاراتپاۋ، سونداي- اق اتوم ەنەرگياسىن بەيبىت ماقساتتا پايدالانۋ ءىسى جونىنەن جاقىن وداقتاس ەكەنىن اتاپ ءوتتى. 2015 -جىلعى اقپاندا قازاقستان مەن جاپونيا ۆەنادا يادرولىق سىناقتاردى جاپپاي توقتاتۋ تۋرالى شارت ۇيىمىنىڭ وتىرىسىندا كونفەرەنسيانىڭ 2015-2017 -جىلعى كەزەڭىندەگى تەڭ ءتوراعالارى بولىپ سايلاندى.
گ. ءابدىقالىقوۆا جوعارى دەڭگەيدە، سونىمەن بىرگە ىسكەر توپتار اراسىندا تىعىز ساياسي بايلانىستار جانە ءجيى دەلەگاتسيالار الماسىپ وتىرۋ ءوزارا جان- جاقتى ءىس- قيمىل ءۇشىن جاڭا كوكجيەكتەر مەن پەرسپەكتيۆالارعا جول اشاتىنىنا سەنىم ءبىلدىردى.
مەملەكەتتىك حاتشى كەزدەسۋ سوڭىندا م. كاموحاراعا بەلسەندى ءارى جەمىستى قىزمەتى، قازاقستان مەن جاپونيا اراسىنداعى دوستىقتى نىعايتۋعا قوسقان ۇلەسى ءۇشىن ريزاشىلىعىن ءبىلدىرىپ، يگىلىك پەن تابىس تىلەدى.
