دەنساۋلىق: كۇرىش ديەتاسىنىڭ پايداسى قانداي؟

الايدا، كۇرىش ديەتاسى ءۇشىن بۇل تاعامدى جۇيەلى تۇردە جەۋ عانا ەمەس، بەلگىلى ءبىر تالاپتاردى ورىنداۋ دا قاجەت (ەگەر تالاپتاردى ساقتاماعان جاعدايدا، جاقسى ناتيجەنىڭ ورنىنا سىرقاتتارىڭىزدى اسقىندىرىپ الۋىڭىز مۇمكىن).

كۇرىش ديەتاسىنىڭ ماقساتى

ەسكە سالا كەتەيىك، ارتىق سالماقتان ارىلۋعا ارنالعان زاماناۋي ديەتالاردىڭ بارلىعى ءبىر ماقسات بويىنشا جۇمىس ىستەيدى: ءسىز بەلگىلى ءبىر ۋاقىتتا كالورياسى تومەن، ءبىراق كولەمى الدەقايدا ۇلكەن تاعامداردى پايدالانا باستايسىز. ال ءسىز جەيتىن تاعامدا قاجەتتى كالوريا جەتىسپەگەن سوڭ، اعزا وزىندەگى ارتىق مايلارمەن قورەكتەنە باستايدى. ياعني، ءسىزدىڭ ديەتاڭىزعا وراي، بەل مەن جامباستاعى ارتىق مايلار وسىلاي كەتە باستايدى. بۇل جاعدايدا ءسىز قابىلداعان ديەتالىق تاعامدار تويىمدى بولعان سوڭ، قارىن اشۋ سەزىلمەيدى.

وسىنداي كولەمى ۇلكەن ءارى كالورياسى تومەن سانالاتىن كۇرىشتىڭ تاعى ءبىر قوسىمشا پايداسى بار: سۋعا سالىنعان سوڭ، ول بورپىلداق كۇيگە كوشەدى. ال بۇل ءوز كەزەگىندە اعزادا جىلدار بويى جينالعان زياندى زاتتاردىڭ ءبارىن شىعارۋعا كومەكتەسەدى (بۋىنعا جينالىپ، ولاردىڭ قوزعالىسىن تومەندەتەتىن ءارتۇرلى تۇزدار مەن شلاكتار). الايدا، كۇرىش ديەتاسىن ۇزاق ۋاقىت بويى قولدانساڭىز، اعزاداعى زياندى زاتتاردان بولەك، كاليي سەكىلدى قاجەتتى زاتتار دا ازايا باستايدى. مىنە، وسىعان وراي، كۇرىش ديەتاسىن قولدانۋ مەرزىمى ءارتۇرلى بولىپ كەلەدى.

كۇرىش ديەتالارى

اعزانى تازارتۋعا ارنالعان ەڭ قاراپايىم كۇرىش ديەتاسى مىناداي: كۇن سايىن تاڭەرتەڭ اش قارىنعا دىمقىل كۇرىشتى جەڭىز. ءتىپتى، سۋ ىشۋگە دە بولمايدى. كۇرىش داندەرىنىڭ كولەمى ءسىزدىڭ جاسىڭىزعا بايلانىستى (1 جاستا بولساڭىز، 1 ءدان). مۇنداي تاڭعى استان سوڭ ءۇش ساعات بويى ىشۋگە دە، جەۋگە دە بولمايدى. ۇيىقتاردان ءۇش ساعات بۇرىن تاماق ءىشۋدى دوعارىڭىز. الايدا، شاي، سۋ جانە شىرىن ىشۋگە بولادى. كۇرىش ديەتاسىن قولدانعان 10 كۇندە ۇن تاعامدارىن، ماكارون مەن كارتوپتان اۋلاق بولىڭىز. مۇنداي كۇرىش پروتسەدۋراسىن جارتى جىلدا ءبىر رەتتەر ارتىق ىستەمەڭىز.

كۇرىش ديەتاسىنىڭ تاعى ءبىر نۇسقاسىن مىناداي: اپتاسىنا ءبىر رەت ءبىر ستاكان كۇرىشتى (تۇزسىز) قايناتىپ جەڭىز. سۋدى مول ءىشىڭىز. مۇنداي ديەتانى ءبىر- ەكى اي بويى ۇستانۋعا بولادى. الايدا، بۇل ديەتا كەزىندە تاماقتانۋ مازىرىڭىزگە بالىق (تۇزدى جانە كەپتىرىلگەن بالىقتان بولەك) پەن جەمىس- جيدەك، كوكەنىستەردى قوسىڭىز.

ەڭ ناتيجەلى كۇرىش ديەتاسى مىناداي: كۇن سايىن كەشكىسىن بانكىگۋە ەكى اس قاسىق كۇرىشتى سالىپ، ۇستىنە سۋ قويىپ، قاراڭعى جەرگە قويىڭىز. تاڭەرتەڭ ءبىر ستاكان تازا سۋ ءىشىپ، كەيىن سۋعا بوكتىرىلگەن كۇرىشتى جۋىپ، تۇزسىز قايناتىڭىز. الگى دايىندالعان كۇرىشتى جەڭىز دە، كەيىن ءتورت ساعات بويى ەشتەڭە ءىشىپ- جەمەڭىز. وسىدان سوڭ، كۇندەگىدەي تاماقتانا بەرىڭىز، ءبىراق اشى تاعامداردان اۋلاق بولىڭىز. كۇرىشتەن دايىندالعان تاڭعى استى ەكى اپتا بويى كۇن سايىن پايدالانىڭىز (ەكى اپتادان اسپاسىن، سەبەبى، كۇرىش اعزاداعى پايدالى زاتتاردى دا وزىنە ءسىڭىرىپ الا باستايدى). كۇرىش ديەتاسىن قولدانعان كەزدە دەنساۋلىعىڭىزدا ازداپ سىرقاتتار بولۋى مۇمكىن (مىسالى، باس اۋرۋى). الايدا، ءبىر كۇن ىشىندە بۇل سىرقاتتان ايىعاسىز (ەگەر سىرقات جالعاسا بەرسە، 2-3 كۇن ءۇزىلىس جاساپ، جەمىستەر مەن كوكونىستەردى كوبەيتىڭىز). ەكى اپتالىق كۇرىش ديەتاسىن تەك ءبىر- جارىم ەكى جىل وتكەن سوڭ عانا قايتالاۋعا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى