العىس كۇنىن مەرەكەلەۋ «ماڭگىلىك ەل» يدەياسى تۇرعىسىنان قازاقستاندىق قۇندىلىقتاردى كورسەتۋى ءتيىس - ي. بەرگ
قازاقستاننىڭ «وركەندەۋ» نەمىس قوعامىنىڭ ءتوراعاسى يگور بەرگ ق ر پرەزيدەنتىنىڭ جارلىعىمەن بەكىتىلگەن 1- ناۋرىزدا اتاپ وتىلەتىن العىس كۇنى كوپۇلتتى قازاقستان ءۇشىن ماڭىزدى قادام بولىپ تابىلاتىنىنا توقتالدى.
- العىس كۇنى - بىزبەن كورشى تۇراتىن حالىق جايىندا ويلانىپ، ولارعا «راحمەت» ايتۋعا مۇمكىندىك. قازاق حالقىنا قيىن كەزەڭدەردە باسقا ۇلىستاردى قابىلداپ، ولارعا كومەك، جاردەم كورسەتكەنى ءۇشىن راحمەت. قازاقستاننىڭ دامۋىنا وراسان ۇلەس قوسقان ەلدىڭ باسقا حالىقتارىنا «راحمەت».
«العىس كۇنىن مەرەكەلەۋدىڭ جاڭا ءداستۇرى «ماڭگىلىك ەل» جالپى ۇلتتىق پاتريوتتىق يدەياسى تۇرعىنسىندا، جالپى تاريح پەن ەستەلىك نەگىزىندە قازاقستاندىق بىرتەكتىلىك پەن بىرلىكتى نىعايتۋ مەن دامىتۋدا قازاقستاندىق قۇندىلىقتاردى كورسەتۋى ءتيىس. العىس كۇنى - بۇل پرەزيدەنتتىك بەيبىتشىلىك پەن كەلىسىم سالاسىنىڭ كۇنى، سونىڭ ارقاسىندا قازاقستان تىنىشتىق پەن ۇيلەسىمدە تىرشىلىك ەتىپ، ەلدە بارلىق قازاقستاندىقتارعا دەگەن ءوزارا سەنىم مەن سىيلاستىق قالىپتاسقان.
سونداي-اق ي. بەرگ قازاقستاندىقتاردى الداعى سايلاۋعا بەلسەندى قاتىسۋعا شاقىردى. «كەزەكتەن تىس سايلاۋ وتكىزۋ - مەملەكەتتىڭ جاھاندىق اۋقىمداعى وزگەرىستەرگە جەدەل دەن قويۋ مۇمكىندىگى. كەزەكتەن تىس سايلاۋ حالىقتىڭ ەل ومىرىنە بەلسەندى قاتىسۋىنا مۇمكىندىك بەرەدى. كەزەكتەن تىس سايلاۋ - تاۋەلسىز قازاقستاننىڭ زاماناۋي قادامى»، - دەدى ق ر نەمىس قوعامىنىڭ ءتوراعاسى.
