ۇلى بريتانيا ارنايى مارتەبەگە يە بولادى

بۇگىن تۇندە اتالعان وداققا مۇشە ەلدەردىڭ باسشىلارى قورىتىندى قۇجاتتى ماقۇلداعان. بۇل تۋرالى 24- ارنا حابارلايدى.

بريۋسسەل مەن لوندون اراسىنداعى بىرنەشە ساعاتقا سوزىلعان كەلىسسوزدەر ءتۇن جارىمعا دەيىن جالعاسقان. ونىڭ قورىتىندىسى جايلى بريتانيا پرەمەر-ءمينيسترى بىردەن الەۋمەتتىك جەلىدە جاريا ەتتى.

«سوڭعى بىرەشە ساعات بويى مەن كەلىسسوزدەر جۇرگىزدىم. سونىڭ ارقاسىندا ەۋرووداق ىشىندە ۇلى بريتانياعا ارنايى مارتەبە بەرەتىن كەلىسىمگە قول جەتكىزدىك. لوندونعا ۇشىپ كەلە سالىسىمەن مينيسترلەردىڭ باسىن قوساتىن بولامىن. ۇلى بريتانيا تىعىز قارىم-قاتىناستى كوزدەمەيدى. بريتانيا ەشقاشان ەۋروپانىڭ استام دەرجاۆاسىنىڭ ءبىر بولىگى بولا المايدى»، - دەدى دەۆيد كەمەرون.

بۇعان دەيىن دەۆيد كەمەرون ۇلى بريتانيانىڭ ەۋرووداققا ارى قاراي مۇشەلىك ەتۋگە قارسى ەمەستىگىن تالاي مارتە ايتقان بولاتىن. ءبىراق ول ءۇشىن اتالعان وداقتا رەفورمالار جۇرگىزىلۋى ءتيىس دەگەن ەدى.

پرەمەر-مينيستر ەۋرو ايماعىنداعى مۋلتيۆاليۋتالىق وداق باسەكەگە قابىلەتتىلىكتى كۇشەيتۋ، ۇلتتىق پارلامەنت وكىلەتتىگىن ارتتىرۋ جانە كوشى-قون زاڭناماسىن قاتاڭداتۋ ماسەلەلەرىن كوتەردى.

«ۇلى بريتانيا ەشقاشاندا ەۋروعا قوسىلمايدى. ءبىز ءوزىمىزدىڭ ەكونوميكامىزدى قورعاپ قالۋ ءۇشىن كۇردەلى شارالاردى قابىلدادىق. ءبىرىڭعاي نارىقتاعى ەركىن ساۋدا ەرەجەلەرىنە تولىق سايكەس بولۋ ءۇشىن دە از تەر توككەن جوقپىز»، - دەپ اتاپ ءوتتى كەمەرون.

ەندى بريتانيا ەۋرووداقتىڭ ەڭبەك ميگرانتتارىنا الەۋمەتتىك جاردەماقى تولەۋدى 4 جىل مەن 7 جىل ارالىعىندا جۇزەگە اسىرا الادى. بريۋسسەلدىڭ لوندونعا جاساعان باستى جەڭىلدىگى وسى. ۇلى بريتانيادان سونداي-اق تەرەڭ ينتەگراتسيا تالاپ ەتىلمەيدى. ال ساراپشىلار بۇل جالپى ەۋروپالىق كەلىسىمگە قايشى كەلەدى دەگەن پىكىر ايتىپ جاتىر.

ەۋروكوميسسيا پرەزيدەنتى جان-كلود يۋنكەر: «ۇلى بريتانيا اۋەلدەن-اق ەۋرووداقتا ەرەكشە مارتەبەگە يە بولىپ كەلدى. جانە بۇل جايت قۇرامىنا 28 ەل كىرەتىن قاۋىمداستىققا كەسىرىن تيگىزىپ كورمەگەن»، - ەكەنىن ەسكە سالدى.

ال ەۋروكەڭەس ءتوراعاسى دونالد تۋسك «ۇلى بريتانيا مەن ەۋروپا ءبىر-بىرىنە تاۋەلدى. بۇل بايلانىستى ءۇزۋ ءبىزدىڭ مۇددەمىزگە قايشى كەلەدى. اتالعان قارىم-قاتىناس اجىراماس ءۇشىن بارىمىزدى سالدىق. دەگەنمەن سوڭعى شەشىمدى بريتان حالقى قابىلداۋى ءتيىس» دەدى.

ۇلى بريتانيانىڭ ەۋرووداققا مۇشەلىگىن ساقتاپ قالۋ جونىندەگى كەلىسىمنىڭ سوڭعى ءماتىنى قازىر تەحنيكالىق ماماندار دەڭگەيىندە تالقىلانىپ جاتىر. ىزىنشە اتالعان وداق قۇرامىنا كىرەتىن ەلدەردىڭ باسشىلارى كەلىسسوزدەرىن جالعاستىراتىن بولادى. بۇل قۇجاتتىڭ ماقۇلدانباي قالعان تۇستارىن رەسمي بەكىتۋ ءۇشىن قاجەت.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى