استانادا ەلەكتروندى دەنساۋلىق پاسپورتتارىن ەنگىزۋ جوسپارلانۋدا
شارا بارىسىندا دەنساۋلىق ساقتاۋ، ءبىلىم جانە جۇمىسقا ورنالاسۋ سياقتى وزەكتى ماسەلەلەر تالقىلاندى. قالالىق باسقارمالاردىڭ وكىلدەرى اتقارىلعان جۇمىستارعا توقتالىپ، الداعى ۋاقىتتا ورىن الاتىن وزگەرىستەر تۋرالى ايتىپ بەردى، دەپ حابارلادى استانا اكىمىنىڭ باسپا ءسوز قىزمەتى.
دەنساۋلىق ساقتاۋ سالاسىندا ءدارى-دارمەكتەر باعاسىنىڭ ءوسۋى، ەمحانالارداعى كەزەكتەر مەن جەدەل جاردەمنىڭ كەلۋىن ۇزاق كۇتۋ جاعدايلارى قالا تۇرعىندارىن الاڭداتىپ وتىر. بۇل تۋرالى استانا قالاسىنىڭ دەنساۋلىق ساقتاۋ باسقارماسى باسشىسىنىڭ ورىنباسارى يۆان لي تولىعىراق ايتىپ بەردى.
- وتكەن جىلى ق ر دەنساۋلىق ساقتاۋ مينيسترلىگى، ءدارى-دارمەكتەر جەتكىزۋشىلەر مەن اكىمدىك اراسىندا جاسالعان مەموراندۋمعا سايكەس ومىرلىك ماڭىزى بار 200 پرەپاراتتىڭ باعاسىن ۇستاپ قالدىق. بۇگىندە جاڭا قۇجاتقا قول قويماقپىز، بۇل رەتتە بەلگىلى ءبىر قيىندىقتار تۋىنداپ تۇر.
دوللاردىڭ تۇراقسىزدىعىنان فارماتسيەۆتيكالىق نارىقتا باعا ساياساتى انىقتالماعان. ادامدارعا ەندوكريندىك اۋرۋلار، قانت ديابەتى، بۇيرەك جەتىسپەۋشىلىگى جانە ت. ب. اۋرۋلار كەزىندە بەرىلىپ كەلگەن پرەپاراتتار بۇرىنعىداي بەرىلەدى دەپ ناقتى ايتا المايمىن. ەسەسىنە، بۇعان دەيىن تەگىن الۋعا بولاتىن دارىلىك زاتتاردىڭ بارلىق كەپىلدەندىرىلگەن كولەمى قالانىڭ بىرنەشە ءدارىحاناسىندا عانا بولعان، ال ەندى ادامدار ونى كەز كەلگەن ءدارىحانادان الا الادى، - دەدى ي. لي.
قالالىق ەمحانالارداعى كەزەكتى ازايتۋ ءۇشىن جاڭا امبۋلاتوريالىق-ەمحانا دەڭگەيىندەگى جاڭا مەكەمەلەردى سالۋدان باسقا، قالالىق ەمحانالاردا ناۆيگاتسيا جۇيەسى، ياعني بالالارعا، قارتتارعا جانە ازاماتتاردىڭ باسقا دا ساناتتارىنا ارنالعان ارنايى دالىزدەر ەنگىزىلۋدە. جۇكتى ايەلدەر ءۇشىن بولەك ءدالىز قاراستىرىلعان، تۇرعىندارعا ىڭعايلى بولۋى ءۇشىن دارىگەرلەردىڭ قابىلداۋ ۋاقىتى وڭتايلاندىرىلىپ، ساراپتامالار تاپسىرۋ ۋاقىتى ارتتىرىلدى.
جەدەل مەديتسينالىق جاردەم ستانتسياسىنداعى جاعداي دا جاقساردى. قىزمەتكەرلەرگە الەۋمەتتىك كومەك كورسەتىلدى. دارىگەرلەر تاۋلىك بويى جۇمىس ىستەي الاتىنداي بالاباقشادان 94 ورىن ءبولىندى، ونىڭ ۇستىنە قىزمەتتىك باسپانا ۇسىنىلادى. جەدەل جاردەم ماشينالارىنىڭ جەتىسپەۋشىلىگى ماسەلەسى عانا قالىپ وتىر.
- كەلىپ تۇسكەن شاقىرۋلاردىڭ %30 عانا جەدەلدىلىكتى قاجەت ەتەدى. ول ءۇشىن ارنايى سانيتارلىق كولىك كەرەك. ال تەمپەراتۋرانى ءتۇسىرۋ نەمەسە قىسىمدى ولشەۋ ءۇشىن فەلدشەر جاي ماشينامەن دە بارا الادى. 2- ناۋرىزدان باستاپ جاڭا جوبا قولعا الىنباق، ونىڭ اياسىندا جەدەل جاردەم قىزمەتىنە بريگادالاردى شاقىرۋلار بويىنشا اپاراتىن 25 جەتى ورىندىق ماشينا-تاكسي بەرىلەدى، - دەدى يۆان لي.
ونىڭ ايتۋىنشا، ۇستىمىزدەگى جىلى ىسكە قوسىلاتىن ەڭ ماڭىزدى جوبا ەلەكتروندى دەنساۋلىق ساقتاۋ ءتولقۇجاتىن ەنگىزۋ بولىپ تابىلادى. وندا ادامنىڭ تۋعانىنان قارتايعان شاعىنا دەيىنگى اقپارات ساقتالماق. قۇرىلعىلارداعى بارلىق اقپاراتتار قۇپيا بولادى، دارىگەرلەر ەنۋ كودى بولعاندا عانا ەلەكتروندى كارتاعا وزگەرىستەر ەنگىزە الادى.
