قازاقستاندىقتار ارنايى سايتتا يگى ىستەرىمەن بولىسە الادى - فوتو
«ءبىرىنشى كەزەكتە، ءبارىن ادام وزىنەن باستاۋى قاجەت دەپ ويلايمىن. ءار ادام يگى ءىس، جاقسىلىق جاساۋعا ۇمتىلۋى ءتيىس. جاقسىلىق جاسا جوباسى ۇلتتىق يدەياعا اينالعانىن قالايمىن. ءومىردى جاقسى جاققا وزگەرتۋ ءۇشىن ادامدار كۇنىگە جاقسى ءىس جاساپ وتىرۋ قاجەت. سول كەزدە ءومىر نۇرلانا تۇسەدى»، - دەدى قوعام قايراتكەرى، «دوم» ر س باسشىسى ارۋجان ساين ورتالىق كوممۋنيكاتسيالار قىزمەتى بريفينگى بارىسىندا.
سونداي-اق سايتتا ەسەپتەۋىش جۇرگىزىلەدى. قازىرگى ساتتە قازاقستاندىقتار ەلدىڭ ءار وڭىرىنەن 64 جاعدايمەن ءبولىستى. «سايت ەلدە قانداي يگى ىستەر جاسالىپ جاتقانى جايلى وزىندىك تاريحتى قالىپتاستىرۋعا جاردەمدەسەتىنىنە سەنىمدىمىز. ءار ادام سايتقا ءوزىنىڭ قايىرىمدىلىق، يگى ىستەرىنىڭ تاريحىن جازا الادى»، - دەپ قوستى «قازكونتەنت» اق باسقارما ءتوراعاسىنىڭ ورىنباسارى زارينا نۇرلانوۆا.
اكسيا ەكى اپتا بۇرىن باستالعانىن اتاپ وتكەن ءجون. قازنەتتە وسى ۋاقىت ىشىندە جاقسىلىق جاسا جانە دەلايدوبرو حەشتەگىمەن قازاقستاننىڭ ءار تۇكپىرىنەن 100 دەن استام پوست، روليكتەر جاريالاندى.
