تۇرىك كاسىپكەرلەرى قازاقستاننىڭ ينۆەستيتسيالىق مۇمكىندىكتەرىنە ۇلكەن قىزىعۋشىلىق تانىتتى - فوتو
فورۋمدا ق ر قارجى ءمينيسترى باقىت سۇلتانوۆ، قازاقستاننىڭ تۇركياداعى توتەنشە جانە وكىلەتتى ەلشىسى جانسەيىت تۇيمەبايەۆ، ق ر اۋىل شارۋاشىلىعى ۆيتسە-ءمينيسترى گۇلميرا يسايەۆا، ق ر ينۆەستيتسيالار جانە دامۋ مينيسترلىگىنىڭ ينۆەستيتسيالار كوميتەتىنىڭ ءتوراعاسى ەرلان حايروۆ، «KAZNEX INVEST» ا ق باسقارما ءتوراعاسى بوريسبي جانعورازوۆ جانە باسقالار ءسوز سويلەدى.
تۇرىك بيزنەسىنىڭ جەتەكشى حولدينگىلەرىمەن جانە كورپوراتسيالارىمەن سىندارلى ديالوگ بولدى. تاراپتار ساۋدا-ەكونوميكالىق جانە ينۆەستيتسيالىق ىنتىماقتاستىقتى تەرەڭدەتۋ ماسەلەلەرىن تالقىلادى. ەكى ەل اراسىنداعى اۋىل شارۋاشىلىعى، ماتا، ماقتا-ماتا، تەرى، جيھاز ونەركاسىبى، سونداي-اق ەنەرگەتيكا جانە ءداندى داقىلداردى وڭدەۋ سالالارىندا قالىپتاسقان بايلانىستار دەڭگەيىن ورىستەتە ءتۇسۋ قاجەت دەگەن توقتامعا كەلدى.
تۇرىك بيزنەسى «كاپيتاندارىمەن»، سونىڭ ىشىندە ق ر اۋماعىندا قازىردىڭ وزىندە بەلسەندى جۇمىس ىستەپ جاتقان كومپانيالار باسشىلارىمەن بولەك كونفەرەنتسيا وتكىزىلدى. سونىڭ ىشىندە 2015-جىلى قازاقستانداعى ۇزدىك ينۆەستورلار وندىعىنا كىرگەن تۇرىك كومپانيالارىنىڭ وكىلدەرىمەن كەزدەسۋلەر بولىپ ءوتتى.
تۇركيا ەكونوميكا مينيسترلىگىنىڭ جانىنداعى سىرتقى ەكونوميكالىق بايلانىستار كوميتەتىنىڭ ءتوراعاسى ومەر دجيھاد ۆاردان ساۋدا-ەكونوميكالىق جانە ينۆەستيتسيالىق ىنتىماقتاستىقتى تەرەڭدەتۋگە مۇددەلىلىگىن ءبىلدىردى. ول بىرلەسكەن ينۆەستيتسيالىق جوبالار اۋقىمىنداعى ۋاعدالاستىقتاردى جۇزەگە اسىرۋدىڭ پراكتيكالىق تەتىكتەرىن جاساۋدى ۇسىندى.
DEİK جانىنداعى قازاقستان- تۇرىك ىسكەرلىك كەڭەسىنىڭ ءتوراعاسى مەرت تايفۋن سارى قازاقستاندا قازاقستاندىق-تۇرىك يندۋستريالىق ايماعىن قۇرۋ جونىندەگى بىرلەسكەن جۇمىستىڭ ماڭىزىن اتاپ كورسەتتى.
ەكى كونفەرەنتسيانىڭ قورىتىندىسىمەن قازاقستانعا ينۆەستيتسيا سالۋعا جانە ق ر- ىندا جاڭا كاسىپورىندار اشۋعا تىلەك بىلدىرگەن تۇرىك بيزنەسىنىڭ وكىلدەرىمەن 90 نان استام كەزدەسۋلەر ءوتتى. تۇرىك كاسىپكەرلەرى قازاقستاننىڭ ينۆەستيتسيالىق مۇمكىندىكتەرىنە جانە ۇسىنىلعان الەۋەتتى ينۆەستيتسيالىق جوبالارعا زور قىزىعۋشىلىق ءبىلدىردى.
