نەيمار وليمپيادا ويىندارىنا قاتىسپاۋى مۇمكىن

بۇل تۋرالى UOL Esporte باسىلىمى حابارلادى.

«بلاۋگرانا» برازيليالىق فۋتبولشىنىڭ وليمپياداعا قاتىسۋىنا ءۇزىلدى-كەسىلدى قارسى بولۋدا. ريوداعى دودا فۋتبولشىنى جاڭا ماۋسىم الدىندا شارشاتاتىنىن العا تارتۋدا. ال نەيمار بولسا وليمپيادا چەمپيونى اتانۋدى ارماندايتىنىن وسىعان دەيىن ايتقان بولاتىن.

ايتا كەتەيىك، وليمپيادا ويىندارىنداعى فۋتبول ەرەجەسىنە سايكەس، قۇراما ساپىنا 23 جاستان اسقان ءۇش ويىنشىنى قوسۋعا بولادى. وسىعان وراي برازيليا ۇلتتىق قۇراماسىنىڭ باس جاتتىقتىرۋشىسى دۋنگا وليمپيادالىق قۇرامعا «بارسەلونادان» نەيماردى، «ينتەردەن» قورعاۋشى ميراندانى، قاقپاعا «ينتەرناسونال» ويىنشىسى اليسسوندى شاقىرعان-دى.

نەيمار برازيليا وليمپيادالىق قۇراماسىمەن 2012-جىلى لوندوندا وتكەن وليمپيادا ويىندارىنا قاتىسقان. فينالعا دەيىن جەتكەن برازيليالىقتار شەشۋشى ويىندا مەكسيكا قۇراماسىنا ەسە جىبەرىپ العان ەدى، دەپ جازادى massaget.kz.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى