قازاقستاندا بالالار كيىمىنىڭ برەندى پايدا بولدى
پەتروپاۆل قالاسىندا ولاردىڭ العاشقى كوللەكتسياسى شىعارىلا باستادى. ازىرگە فابريكادا كيىم-كەشەكتىڭ 160 ۇلگىسى تىگىلەدى. وتاندىق ءونىم ەۋرازيالىق ەكونوميكالىق وداق پەن دۇنيەجۇزىلىك ساۋدا ۇيىمىنىڭ تالاپتارىنا تولىق جاۋاپ بەرەدى.
فابريكادا 110 ادام ەڭبەك ەتەدى. ولار 3 پەن 14 جاس ارالىعىنداعى بالالارعا ارنالعان كيىمنىڭ ءتۇر-ءتۇرىن تىگىپ شىعارادى. سانگەرلەر ولاردىڭ زامان تالابىنا ساي بولۋىنا باسا ءمان بەرگەن. كيىم ۇلگىلەرىن جاساۋعا اتا-انالار دا اتسالىسقان.
وسى ايدىڭ سوڭىندا كيىم-كەشەكتەر ماسكەۋدە وتەتىن بالالاردىڭ حالىقارالىق ءسان كورمەسىندە حالىق نازارىنا ۇسىنىلاتىن بولادى. ەندى فابريكا عالامتور دۇكەنىن اشۋدى جوسپارلاپ وتىر، دەپ جازادى 24.kz.
